បរទេស៖ យោងតាមការចេញផ្សាយរបស់ RT អ្នកនាំពាក្យវិមានក្រឹមឡាំង លោក Dmitry Peskov បាននិយាយថា លោក Vladimir Putin មិនបានជួបជាមួយនាយកប្រតិបត្តិ Telegram លោក Pavel Durov ដែលឥឡូវនេះកំពុងស្ថិតក្នុងការ ឃុំឃាំងរបស់បារាំងនោះទេ។
ការសង្ស័យនេះធ្វើឡើងនៅចំពេលដែលលោក Durov ក៏ទើបវិលត្រឡប់ពីប្រទេស Azerbaijan និងចំពេលដែលមានដំណើរទស្សនកិច្ច របស់ប្រធានាធិបតីរុស្ស៊ីទៅកាន់ប្រទេស Azerbaijan កាលពីសប្តាហ៍មុន នេះបើតាមអ្នកនាំពាក្យវិមានក្រឹមឡាំង លោក Dmitry Peskov បាននិយាយ។
ថ្លែងទៅកាន់អ្នកសារព័ត៌មានកាលពីថ្ងៃចន្ទ លោក Peskov ត្រូវបានស្នើសុំឱ្យធ្វើអត្ថាធិប្បាយលើការចាប់ខ្លួន Durov ដែលត្រូវបានឃុំខ្លួននៅអាកាសយានដ្ឋាន មួយក្រៅទីក្រុងប៉ារីស បន្ទាប់ពីបានមកដល់ពីប្រទេស Azerbaijan ដោយយន្តហោះឯកជនកាលពីថ្ងៃសៅរ៍។
អាជ្ញាធរបារាំងមិនទាន់បញ្ជាក់លម្អិត អំពីការចោទប្រកាន់ដែលប្រឈមមុខ ដោយមហាសេដ្ឋីបច្ចេកវិទ្យារុស្ស៊ី ដែលជាពលរដ្ឋនៃប្រទេសបារាំង អារ៉ាប់រួម នោះទេ។
ទោះយ៉ាងណាលោក Peskov បានបដិសេធមិនធ្វើអត្ថាធិប្បាយលើការ ចាប់ខ្លួនដ៏ចម្រូងចម្រាសនេះទេ។ លោកបន្តបែបនេះថា៖ យើងមិនដឹងថាគាត់ត្រូវបានគេចោទប្រកាន់អ្វីទេ។ យើងមិនទាន់បានឮសេចក្តីថ្លែងការណ៍ ផ្លូវការណាមួយអំពីបញ្ហានេះទេ។ យើងត្រូវរង់ចាំឲ្យស្ថានការណ៍ច្បាស់លាស់ សិនមុននឹងយើងនិយាយអ្វីមួយ៕
ប្រែសម្រួល៖ ស៊ុន លី
