បរទេស ៖ យោងតាមការ ចេញផ្សាយរបស់ RT ជនជាតិអាមេរិកាំង ចំនួន៣នាក់ ត្រូវបានគេសង្កេតឃើញ ស្ថិតក្នុងចំណោមមនុស្ស៥១នាក់ ដែលត្រូវបានចាប់ខ្លួនកាលពីខែឧសភា ពាក់ព័ន្ធនឹងផែនការ បរាជ័យ ក្នុងការធ្វើរដ្ឋប្រហារ ដោយកាប់យោ ធានៅសាធារណៈរដ្ឋកុងហ្គោ។
ប្រភពដដែលបានឲ្យដឹងដែរថា រដ្ឋអាជ្ញានៅសាធារណរដ្ឋប្រជាធិបតេយ្យ កុងហ្គោ ឬហៅថា DR Congo គឺជាអ្នកដែលបានទាមទារ ឱ្យមានការកាត់ទោសប្រហារជីវិត សម្រាប់មនុស្ស៥០នាក់ រួមទាំងជនជាតិ អាមេរិក៣នាក់ផងដែរ សម្រាប់ការជាប់ពាក់ព័ន្ធ ក្នុងរដ្ឋប្រហារបរាជ័យថ្មីៗនេះ នៅក្នុងរដ្ឋអាហ្វ្រិកកណ្តាលមួយនេះ ។
ក្នុងអំឡុងពេលសវនាការក្នុងទីក្រុង Kinshasa កាលពីថ្ងៃអង្គារ រដ្ឋអាជ្ញាយោធា លោកវរសេនីយ៍ទោ Innocent Radjabu Bashiru បានស្នើឱ្យចៅក្រមដាក់ទណ្ឌកម្ម ជាធរមានលើជនសង្ស័យទាំងអស់ លើកលែងតែមនុស្សម្នាក់ ដែលទទួលរង បញ្ហាផ្លូវចិត្ត។
រំលឹកដែរថាខ្មាន់កាំភ្លើងមួយក្រុម ក្នុងឯកសណ្ឋានយោធា បានដណ្តើមកាន់កាប់ការិយាល័យ របស់ប្រធានាធិបតីកុងហ្គោ Felix Tshisekedi មួយរយៈពេលខ្លីកាលពីថ្ងៃទី១៩ឧសភាក្នុងទីក្រុង Kinshasha បន្ទាប់ពីបានសកម្មភាពវាយប្រហារជោគជ័យ ទៅលើផ្ទះរបស់មន្ត្រីជាន់ខ្ពស់មួយរូបទៀតគឺលោក Vital Kamerhe ដែលមុខងារជាប្រធានសភាបច្ចុប្បន្ន ។
ជាលទ្ធផលមនុស្ស៦នាក់ ត្រូវបានគេរាយការណ៍ថា បានស្លាប់ក្នុងអំឡុងពេលការវាយឆ្មក់ ក្នុងនោះមានប៉ូលីស២នាក់ ដែលត្រូវបានចាត់តាំងឱ្យការពារ Kamerhe ។ មេដឹកនាំរដ្ឋប្រហារ គឺអ្នកនយោបាយកុងហ្គោ Christian Malanga ដែលបានទទួលសញ្ជាតិអាមេរិក ពេលកំពុងរស់នៅនិរទេស ត្រូវបានសម្លាប់ដោយកងកម្លាំង សន្តិសុខនៅក្នុងការប្រឈមមុខដាក់គ្នា៕
ប្រែសម្រួល៖ស៊ុនលី
