ទីក្រុងវៀងចន្ទន៍៖ ថ្ងៃនេះ អ្នកចូលរួមចំនួន ២៥០ នាក់ រួមទាំងគណៈប្រតិភូរដ្ឋមន្ត្រី និងមន្ត្រីជាន់ខ្ពស់មកពីប្រទេសសមាជិកអាស៊ានទាំង១០ រួមជាមួយនឹងតំណាង និងអ្នកជំនាញបច្ចេកទេសមកពីដៃគូសន្ទនា និងអភិវឌ្ឍន៍ បានប្រមូលផ្តុំគ្នានៅទីក្រុងវៀងច័ន្ទ ប្រទេសឡាវ សម្រាប់កិច្ចប្រជុំអាស៊ានលើកទី២-គណៈកម្មការទន្លេមេគង្គ (MRC) កិច្ចសន្ទនាសន្តិសុខទឹក។
ក្រោមប្រធានបទ ‘ការវិនិយោគប្រកបដោយ និរន្តរភាពសម្រាប់ការតភ្ជាប់ ភាពធន់ និងសន្តិសុខទឹកនៅអាស៊ីអាគ្នេយ៍ដែលមានសុវត្ថិភាព’ កិច្ចសន្ទនាបានឆ្លុះបញ្ចាំងពីការប្តេជ្ញាចិត្តរួមគ្នា ក្នុងការដោះស្រាយបញ្ហាប្រឈមសុវត្ថិភាព ទឹកដ៏សំខាន់នៅទូទាំងតំបន់មេគង្គ និងអាស៊ាន។
កិច្ចសន្ទនានេះត្រូវបានបង្កើតឡើង ដោយគណៈកម្មការទន្លេមេគង្គ និងលេខាធិការដ្ឋានអាស៊ាន កិច្ចសន្ទនានេះបានវិវត្តទៅជាយន្តការ ដ៏សំខាន់មួយសម្រាប់ជំរុញកិច្ចសហប្រតិបត្តិការក្នុងតំបន់ បង្កើនភាពធន់ និងការជំរុញការអភិវឌ្ឍប្រកបដោយ ចីរភាពនៅក្នុងតំបន់មេគង្គ និងអាស៊ាន។ ក្នុងសុន្ទរកថាស្វាគមន៍ ក្នុងនាមប្រធានអាស៊ានឆ្នាំ២០២៤ បានសង្កត់ធ្ងន់ថា “កិច្ចសន្ទនាសន្តិសុខទឹកអាស៊ាន-MRC មានសក្តានុពលដើម្បីក្លាយជាសសរគោល ដែលជាមូលដ្ឋានគ្រឹះនៃ កិច្ចខិតខំប្រឹងប្រែងក្នុងតំបន់របស់យើង ជំរុញកិច្ចសហប្រតិបត្តិការមិនត្រឹមតែ ក្នុងចំណោមប្រទេសមេគង្គប៉ុណ្ណោះទេ ប៉ុន្តែនៅទូទាំងរដ្ឋជា សមាជិកអាស៊ានទាំងអស់ផងដែរ”។
កិច្ចសន្ទនាបានទទួលស្គាល់ បញ្ហាប្រឈមសំខាន់ៗជាច្រើន ដែលកំពុងប្រឈមមុខអាស៊ាន និងតំបន់មេគង្គ រួមទាំងផលប៉ះពាល់នៃ ការប្រែប្រួលអាកាសធាតុ ព្រឹត្តិការណ៍ដែលទាក់ទងនឹង គ្រោះមហន្តរាយដូចជាទឹកជំនន់ គ្រោះរាំងស្ងួត និងការបាក់ដី ការផ្លាស់ប្តូរដែលបណ្ដាលមកពីមនុស្ស កង្វះទឹក និងកង្វល់សន្តិសុខស្បៀង។ ផលប៉ះពាល់ជាបន្តនៃបញ្ហាប្រឈមទាំងនេះទាមទារឱ្យមានការចាត់វិមានការបន្ទាន់ និងឱកាសនៃការធ្វើផែនការណ៍ចក្ខុវិស័យរួមសម្រាប់កិច្ចសហប្រតិបត្តិការ។
រដ្ឋមន្ត្រីក្រសួងធនធានធម្មជាតិ និងបរិស្ថានរបស់ឡាវ លោកបណ្ឌិត Bounkham Vorachit ដែលធ្វើជាប្រធានកិច្ចប្រជុំជាន់ខ្ពស់ បានលើកសរសើរថា “កិច្ចសន្ទនានេះផ្តល់វេទិកាសម្រាប់អ្នកធ្វើគោលនយោបាយ និងអ្នកពាក់ព័ន្ធក្នុងការផ្លាស់ប្តូរគំនិតច្នៃប្រឌិត កំណត់តំបន់ដែលអាចកើតមានសម្រាប់ការបង្កើនកិច្ចសហប្រតិបត្តិការឆ្ពោះទៅរកនិរន្តរភាព និងបញ្ជាក់ឡើងវិញនូវការយកចិត្តទុកដាក់របស់យើងចំពោះ ការដោះស្រាយបញ្ហាប្រឈមសន្តិសុខទឹកនៅទន្លេមេគង្គ និងអាស៊ាន»។
តម្រូវការសម្រាប់ការបង្កើនការវិនិយោគលើហេដ្ឋារចនាសម្ព័ន្ធទឹក ការបន្សាំជាមួយនឹងអាកាសធាតុ និងការគ្រប់គ្រងប្រកបដោយនិរន្តរភាព និងការអភិរក្សធនធានធម្មជាតិ ត្រូវបានសង្កត់ធ្ងន់ រួមជាមួយនឹងសារៈសំខាន់នៃ ការពង្រឹងកិច្ចសហប្រតិបត្តិការ ក្នុងចំណោមរដ្ឋសមាជិកអាស៊ាន និងស្ថាប័នរបស់ពួកគេ ដើម្បីដោះស្រាយបញ្ហាដែល ទាក់ទងគ្នាទៅវិញទៅមកប្រកបដោយប្រសិទ្ធភាព។ វាត្រូវបានទទួលស្គាល់ថាមានតែ តាមរយៈតំបន់ដែលមានការរួបរួម និងឯកភាព កិច្ចខិតខំប្រឹងប្រែងពហុភាគី និងឆ្លងដែនតែប៉ុណ្ណោះ ទើបយើងអាចធានាបាននូវភាពធន់ និងសន្តិសុខទឹកសម្រាប់ប្រជាជន និងប្រព័ន្ធអេកូឡូស៊ីនៃអាស៊ីអាគ្នេយ៍។
លោកបណ្ឌិត Anoulak Kittikhoun នាយកប្រតិបត្តិនៃលេខាធិការដ្ឋាន គណៈកម្មការទន្លេមេគង្គបានបញ្ជាក់ថា “ការវិនិយោគនៅក្នុង MRC – កិច្ចសហប្រតិបត្តិការស្ថាប័នអាស៊ាន ការត្រួតពិនិត្យគ្រោះមហន្តរាយ ការព្យាករណ៍ និងការគ្រប់គ្រង និងគម្រោងហេដ្ឋារចនាសម្ព័ន្ធរួមគ្នានឹងធ្វើឱ្យទន្លេមេគង្គ និងតំបន់ទូលំទូលាយកាន់តែមានទំនាក់ទំនង ធន់ និងសុវត្ថិភាពទឹក” ។
អាស៊ាន និង MRC ត្រូវបានកោតសរសើរចំពោះតួនាទីដឹកនាំ របស់ពួកគេក្នុងការដោះស្រាយសន្តិសុខទឹក និងលើកកម្ពស់កិច្ចសហប្រតិបត្តិការក្នុងតំបន់។ អាស៊ានបានដើរតួយ៉ាងសំខាន់ ក្នុងការជំរុញកិច្ចសន្ទនានយោបាយ និងការតភ្ជាប់ ខណៈដែល MRC បន្តបម្រើជា “មជ្ឈមណ្ឌលចំណេះដឹងក្នុងតំបន់” ដែលអាចទុកចិត្តបាន ការសម្រេចបាន “វេទិកាការទូតទឹក” និងគំរូជោគជ័យនៃកិច្ចសហប្រតិបត្តិការ ទឹកឆ្លងដែននៅក្នុងតំបន់មេគង្គ។
រដ្ឋសមាជិកអាស៊ានប្តេជ្ញាពង្រឹងភាពជាដៃគូ ឱ្យកាន់តែស៊ីជម្រៅឆ្ពោះទៅកាន់តំបន់មេគង្គ និងអាស៊ានដែលមានទំនាក់ទំនង និងរឹងមាំជាងមុន។ កិច្ចសន្ទនាបានពង្រឹងចក្ខុវិស័យឆ្ពោះទៅមុខ និងសុទិដ្ឋិនិយម ដែលកិច្ចសហប្រតិបត្តិការក្នុងតំបន់ ការយល់ដឹងគ្នាទៅវិញទៅមក និងការវិនិយោគរួមគ្នា និងគម្រោងរួមគ្នានឹងជំរុញវឌ្ឍនភាពឆ្ពោះទៅរកសន្តិសុខទឹក និងការអភិវឌ្ឍន៍ប្រកបដោយ ចីរភាពសម្រាប់ទាំងអស់គ្នា ៕
