បរទេស៖ យោងតាមការចេញផ្សាយរបស់ RT ភ្លៀងធ្លាក់យ៉ាងគំហុក បានវាយប្រហារភាគខាងកើតប្រទេសអេស្ប៉ាញ កាលពីយប់ថ្ងៃពុធ ដែលបណ្តាលឱ្យមានទឹកជំនន់ដ៏ធំពីទីក្រុង Malaga នៅភាគខាងត្បូងទៅកាន់ទីក្រុង Valencia នៅភាគខាងកើតផងដែរ។
យោងតាមការអះអាងដោយ ក្រុមអ្នកឧតុនិយមក្នុងតំបន់ ដែលដកស្រង់ដោយកាសែត Reuters បានឲ្យដឹងថានៅតំបន់ខ្លះនៃទីក្រុង Valencia ក្នុងមួយឆ្នាំភ្លៀងធ្លាក់ក្នុងរយៈពេល ត្រឹមតែប្រាំបីម៉ោងប៉ុណ្ណោះប៉ុន្តែ ព្យុះភ្លៀងលើកនេះបានបណ្តាលឱ្យ មានទឹកជំនន់សម្លាប់មនុស្សច្រើនបំផុត ក្នុងប្រទេសក្នុងរយៈពេលបីទសវត្សរ៍ចុងក្រោយ។
គិតមកទល់ព្រឹកថ្ងៃព្រហស្បតិ៍នេះ មនុស្សយ៉ាងហោចណាស់មនុស្ស ៧០នាក់នាក់បានស្លាប់នៅក្នុង គ្រោះមហន្តរាយនេះហើយមួយចំនួនទៀត នៅតែបាត់ខ្លួននៅឡើយដោយ ក្នុងនោះកាសែតបានរាយការណ៍ថា យោធាអេស្បាញត្រូវបានគេដាក់ពង្រាយដើម្បីជួយក្នុងការស្វែងរកអ្នកបាត់ខ្លួន និងសង្គ្រោះសាកសពជនរងគ្រោះ ។
គួរឲ្យដឹងដែរថាចំនួនអ្នកស្លាប់ គឺមាសចំនួនខ្ពស់បំផុតដោយសារទឹកជំនន់ នៅក្នុងសហភាពអឺរ៉ុបចាប់តាំងពីឆ្នាំ២០២១ នៅពេលដែលមនុស្សយ៉ាងហោចណាស់ ១៨៥នាក់ បានស្លាប់នៅក្នុងប្រទេសអាល្លឺម៉ង់។
គ្រោះធម្មជាតិលើកនេះក៏ត្រូវបានចាត់ទុកថា ទឹកជំនន់ដ៏សាហាវបំផុតនៅក្នុងប្រទេសអេស្បាញ ចាប់តាំងពីឆ្នាំ១៩៩៦ ផងដែរនៅពេលដែលមនុស្សចំនួន ៨៧នាក់ បានបាត់បង់ជីវិតនៅក្រោមកាលៈទេសៈស្រដៀងគ្នានេះ ៕
ប្រែសម្រួល៖ ស៊ុន លី
