បរទេស៖ យោងតាមក្រុមប្រឹក្សាមាសពិភពលោក (WGC) បានឱ្យដឹងថា តម្រូវការមាសសម្រាប់អ្នកប្រើប្រាស់នៅក្នុងប្រទេសថៃ នៅតែបន្តបង្ហាញពីកំណើនខ្ពស់បំផុតក្នុងចំណោមប្រទេសអាស៊ាន សម្រាប់ត្រីមាសទីពីរជាប់ៗគ្នា។ ក្រុមប្រឹក្សានេះ បាននិយាយថាតម្រូវការរបស់ថៃនៅក្នុងត្រីមាសទីបីនៃឆ្នាំ2024 បានកើនឡើង 11% ពីមួយឆ្នាំទៅមួយឆ្នាំដល់ 14,5 តោន។
យោងតាមសារព័ត៌មាន បាងកក ប៉ុស្តិ៍ ចេញផ្សាយនៅថ្ងៃទី៨ ខែវិច្ឆិកា ឆ្នាំ២០២៤ បានឱ្យដឹងថា តម្រូវការមាសសកលក៏នៅតែរឹងមាំដែរ ដោយកើនឡើង 5% ពីឆ្នាំមុនដល់ 1,313 តោន ដែលជាកំណត់ត្រាមួយក្នុងត្រីមាសទីបី។ តម្លៃនេះលើសពី ១០០ ពាន់លានជាលើកដំបូងនៅលើកំណត់ត្រា ដែលគាំទ្រដោយបរិយាកាសតម្លៃខ្ពស់។
តម្រូវការការវិនិយោគសកលបានកើនឡើងច្រើនជាងពីរដងពីមួយឆ្នាំទៅមួយឆ្នាំដល់ ៣៦៤តោន ដែលជំរុញដោយការផ្លាស់ប្តូរតម្រូវការសម្រាប់មូលនិធិជួញដូរមាស (ETFs) ជាចម្បងពីវិនិយោគិនលោកខាងលិច។ នៅទូទាំងពិភពលោក, ETFs មាសបានបន្ថែមចំនួន ៩៥ តោន ដែលជាសញ្ញានៃត្រីមាសវិជ្ជមានដំបូងចាប់តាំងពីត្រីមាសទីមួយនៃឆ្នាំ ២០២២។
ទោះបីជាតម្រូវការដុំមាសសកល និងកាក់ពិភពលោកបានធ្លាក់ចុះ ៩ភាគរយ នៅក្នុងត្រីមាសទីបីក៏ដោយ ក៏តម្រូវការនៅក្នុងប្រទេសថៃបានកើនឡើង ១៥ភាគរយ ដោយបានឈានដល់ ១២,១ តោន។ ទោះជាយ៉ាងណាក៏ដោយ បរិមាណសរុបពីមួយឆ្នាំទៅមួយឆ្នាំនៅទូទាំងពិភពលោកនៅតែរឹងមាំនៅ ៨៥៩ តោនបើប្រៀបធៀបទៅនឹងមធ្យមភាគ ១០ ឆ្នាំដែលមានចំនួន ៧៧៤តោន៕
ប្រែសម្រួលៈ ណៃ តុលា
