បរទេស ៖ យោងតាមការចេញផ្សាយរបស់ RT ដែលបានដកស្រង់ចេញ ពីប្រព័ន្ធផ្សព្វផ្សាយជាច្រើន នៅលោកខាងលិចបានអះអាងថា កប៉ាល់អាជីវកម្មមួយគ្រឿង ដែលចុះបញ្ជីដោយចិន កំពុងធ្វើដំណើរពីប្រទេសរុស្ស៊ី ទៅកាន់ប្រទេសអេហ្ស៊ីបបានស្ថិតក្រោមការសង្ស័យថា មានជាប់ពាក់ព័ន្ធក្នុងការបំផ្លាញ ខ្សែកាបទិន្នន័យចំនួនខ្សែ ពីរនៅក្រោមសមុទ្រ បាល់ទិកBaltic Sea។
BCS East-West-Interlink ដែលតភ្ជាប់លីទុយអានី ទៅស៊ុយអែតត្រូវបានខូច ខាតយ៉ាងធ្ងន់ធ្ងរកាលពីថ្ងៃអាទិត្យ ខណៈដែលខ្សែ C-Lion1 fiber-optic ក្រោមសមុទ្រពីហ្វាំងឡង់ ទៅអាល្លឺម៉ង់ត្រូវបាន កាត់នៅព្រឹកថ្ងៃចន្ទដែរហើយ មកទល់ពេលនេះ មូលហេតុនៃឧបទ្ទវហេតុទាំងពីរនេះ មិនទាន់ដឹងនៅឡើយទេ។
កាសែត Financial Times បានដកស្រង់ប្រភពអនាមិកមួយ បាននិយាយកាលពីថ្ងៃពុធថា ៖ ស៊ុយអែតកំពុងសម្លឹងមើល ទាំងគួរឲ្យសង្ស័យ ខ្លាំងទៅលើនាវាចិន។ អ្នកតាមដានដែនសមុទ្របានកំណត់ អត្តសញ្ញាណកប៉ាល់នោះថាជា Yi Peng 3 ដែលជាកម្មសិទ្ធិរបស់ក្រុមហ៊ុន Ningbo Yipeng Shipping ។
ក្រសួងការពារជាតិនៅទីក្រុង Copenhagen បាននិយាយនៅក្នុងប៉ុស្តិ៍ X cryptic កាលពីថ្ងៃពុធថា ៖ក្រសួងការពារជាតិដាណឺម៉ាកអាចបញ្ជាក់ថាយើងមានវត្តមាននៅក្នុងតំបន់ក្បែរទីតាំងកើតហេតុនៃកប៉ាល់ចិន Yi Peng 3ប៉ុន្តែយ៉ាងណាក្តីបច្ចុប្បន្ន ក្រសួងការពារជាតិដាណឺម៉ាក មិនមានការអត្ថាធិប្បាយបន្ថែមទេ។
គេហទំព័រតាមដានដែន សមុទ្រជាច្រើន បានអះអាងថា កប៉ាល់ចិន បានឈប់នៅច្រកសមុទ្រ Kattegat ភាគខាងជើងនៃទីក្រុង Copenhagen ដោយមាននាវា Royal Danish Navy ចំនួនពីរមានវត្តមាននៅក្បែរនោះដែរ។ ក្រោយមកកប៉ាល់នេះ បានចាកចេញពី Ust-Luga ក្នុងប្រទេសរុស្ស៊ី ហើយបានធ្វើដំណើរទៅកាន់កំពង់ផែ Said ក្នុងប្រទេសអេហ្ស៊ីប ៕
ប្រែសម្រួល៖ស៊ុនលី
