ប៉េកាំង៖ នៅក្នុងឆ្នាំ២០០១ ខ្សែភាពយន្តមួយចំណងជើងថា Steven Spielberg ដែលមានឈ្មោះថា AI បានសម្តែងជាតារាវ័យក្មេងឈ្មោះ Haley Joel Osment ក្នុងនាមជាមនុស្សក្នុងដំណើរស្វែងរក ភាពក្លាយជាក្មេងប្រុសដ៏ពិតប្រាកដ ហើយសម្រាប់ឆ្នាំនេះ ប្រទេសចិន បានបង្ហាញអំពីកំណែទម្រងនៃជីវិតពិត របស់មនុស្សយន្តនេះផងដែរ ។
Yueqian ជាឈ្មោះតំណាងឱ្យការទម្លាយរឿងពិត និងការផ្លាស់ប្តូរត្រូវបាន យកគំរូតាមក្មេងជំទង់ពិតប្រាកដ ។ ក្រុមហ៊ុនផលិត ដែលមានលោក Li Boyang ជានាយកប្រតិបត្តិ និងជាសហស្ថាបនិកនៃ EX-Robots បានលើកឡើងថា មនុស្សយន្ត “អាចផ្តល់សេវាកម្មដល់ពួកយើង ជាស្ត្រីមេផ្ទះនៅក្នុងគ្រួសារ” ។
លោក Li បានលើកឡើងទៀតថា “មិនថា មនុស្សចាស់ដែលរស់នៅតែម្នាក់ឯង ឬមនុស្សវ័យក្មេង ឬកុមារនោះទេ ពួកគេតែងតែចង់បានភាពជាដៃគូ របស់មនុស្សយន្តបែបនេះ” ។
“កាលពីមុន សកម្មភាពជាច្រើននៃមនុស្សយន្តរបស់យើង គឺជាមតិកែលម្អដោយស្វ័យប្រវត្តិដោយផ្អែកលើសេណារីយ៉ូផ្សេងៗគ្នា ។ នៅក្នុងឆ្នាំនេះ ជាមួយនឹងការប្រើប្រាស់គំរូដ៏ធំ (បញ្ញាសិប្បនិម្មិត) មតិកែលម្អប្រភេទនេះលែងជាកម្មវិធីដែលបានកំណត់ទៀតហើយ ប៉ុន្តែជាអ្វីដែលបង្កើតឡើងពិតៗ” ។ បានបញ្ជាក់ដូច្នេះ ។
ការប្រើប្រាស់មនុស្សយន្ត នៅក្នុងការផលិតកម្រិតខ្ពស់នៅក្នុងប្រទេសចិន គឺបានរីករាលដាលរួចទៅហើយ ។ ប៉ុន្តែមនុស្សយន្តដែល ជំនួសមនុស្សនាពេលឥឡូវនេះ គឺជាផ្នែកនៃផែនការមួយដើម្បីដណ្តើមយក ឧស្សាហកម្មនាពេលអនាគត និងប្រែក្លាយប្រទេសចិន ឱ្យក្លាយជាប្រទេសឈានមុខគេ លើពិភពលោកខាងវិទ្យាសាស្ត្រ និងបច្ចេកវិទ្យា ។
ពាក្យចចាមអារ៉ាមនៅពីក្រោយផែនការនេះគឺថា “កម្លាំងផលិតភាពគុណភាពថ្មី” ដែលសហគ្រាសរដ្ឋ រដ្ឋាភិបាលនៅក្នុងតំបន់ សហគ្រិន និងប្រព័ន្ធផ្សព្វផ្សាយចិន ទាំងអស់កំពុងពិភាក្សាអំពីរបៀបអនុវត្ត ។
ពាក្យនេះត្រូវបានលើកឡើងដោយលោក ស៊ី ជិនពីង ប្រធានាធិបតីចិន កាលពីឆ្នាំមុន នៅគ្រាដែលលោកបានអំពាវនាវឱ្យ ប្រជាជាតិរបស់លោកប្រមូលកម្លាំងទាំងនេះ ដើម្បីជំរុញសេដ្ឋកិច្ចឱ្យឈានដល់កម្រិតខ្ពស់ថ្មីមួយ ។
ក្រោយមកនៅក្នុងខែមីនា អាទិភាពគោលនយោបាយសំខាន់បំផុត ដែលបានរាយក្នុងរបាយការណ៍ ការងារដំបូងរបស់នាយករដ្ឋមន្ត្រី Li Qiang ទៅកាន់សភាប្រជាជនជាតិគឺ “ធ្វើឱ្យប្រព័ន្ធឧស្សាហកម្មទំនើបទាន់សម័យ និងការអភិវឌ្ឍកម្លាំងផលិតភាព ប្រកបដោយគុណភាពថ្មីក្នុងល្បឿនកាន់តែលឿន” ៕
ប្រែសម្រួលដោយ៖ ម៉ៅ បុប្ផាមករា
