បរទេស៖ នាយករដ្ឋមន្ត្រីហុងគ្រី លោក Viktor Orban បាននិយាយថា វត្តមានដែលបានរាយការណ៍ថា ទាហានលោកខាងលិចស្ថិតក្នុងចំណោមអ្នកស្លាប់ និងរបួសក្នុងប្រទេសអ៊ុយក្រែន គឺ បង្ហាញពីការកើនឡើងដ៏គ្រោះថ្នាក់ និងហានិភ័យដល់ “ការពង្រីកសង្រ្គាម” ។
យោងតាមសារព័ត៌មាន RT ចេញផ្សាយនៅថ្ងៃទី២៩ ខែវិច្ឆិកា ឆ្នាំ២០២៤ បានឱ្យដឹងថា នៅក្នុងបទសម្ភាសន៍ជាមួយវិទ្យុ Kossuth កាលពីថ្ងៃសុក្រ លោក Orban បានពណ៌នាអំពីស្ថានភាពបច្ចុប្បន្នថា មានលក្ខណៈផ្ទុយស្រឡះ ដោយបញ្ជាក់ថា ខណៈដែលសន្តិភាពហាក់ដូចជាកាន់តែកៀកជាងពេលណាៗទាំងអស់នោះ ស្ថានភាពមិនដែលមាននោះ គឺគ្រោះថ្នាក់។
យោងតាមរបាយការណ៍របស់រុស្ស៊ី គឺមានទាហានអាមេរិក និងបារាំង បានស្លាប់នៅក្នុងការវាយប្រហារតាមអាកាសដែលធ្វើឡើង [ដោយរុស្ស៊ី] នៅលើទឹកដីនៃអ៊ុយក្រែន។ នោះមានន័យថា មានទាហានលោកខាងលិចនៅទីនោះ។
លោកបន្ថែមថា “ដូច្នេះ យើងស្ថិតក្នុងស្ថានភាពគ្រោះថ្នាក់ខ្លាំង ពីព្រោះមនុស្សដែលមានឋានៈជាយោធាមកពីអឺរ៉ុបខាងលិច ឬសហរដ្ឋអាមេរិកអាចស្លាប់នៅអ៊ុយក្រែនសព្វថ្ងៃនេះ។ នេះជាអ្វីដែលបានកើតឡើង។ យើងកំពុងអធិស្ឋានសម្រាប់ពួកគេ ប្រាកដណាស់ នេះជាការបាត់បង់ដ៏ធំមួយសម្រាប់អ្នករាល់គ្នា ប៉ុន្តែវាបង្ហាញយ៉ាងច្បាស់ពីគ្រោះថ្នាក់នៃការកើនឡើង ដូច្នេះជាហានិភ័យការពង្រីកនៃសង្គ្រាម»។
សូមជម្រាបថា កាលពីដើមសប្តាហ៍នេះ ទីក្រុងមូស្គូបានបើកការវាយប្រហារសងសឹកជាបន្តបន្ទាប់ ដើម្បីឆ្លើយតបទៅនឹងទីក្រុងគៀវ ដោយបានប្រើអាវុធរយៈចម្ងាយឆ្ងាយដែលផ្គត់ផ្គង់ដោយលោកខាងលិច វាយប្រហារជ្រៅហួសព្រំដែនដែលទទួលស្គាល់ជាអន្តរជាតិរបស់រុស្ស៊ី៕
ប្រែសម្រួលៈ ណៃ តុលា
