ថ្ងៃទី២ ខែធ្នូ កម្មវិធី « រាត្រីសមោសរអបអរសាទរ បុណ្យចូលឆ្នាំថ្មីចិនឆ្នាំ ២០២៥ » នៃអគ្គស្ថានីយវិទ្យុ និងទូរទស្សន៍មជ្ឈិមចិន បានបញ្ចេញជាផ្លូវការ នូវម៉ាស្កូតឈ្មោះ“巳升升 / Sì Sheng Sheng ” ដើម្បីជូនពរជនជាតិចិន នៅទូទាំងពិភពលោក ឱ្យសម្រេចបានគ្រប់ភារកិច្ច និងរីកចម្រើនខ្លាំងឡើងៗ ។
ម៉ាស្កូតនៃកម្មវិធីរាត្រីសមោសរ អបអរសាទរបុណ្យចូលឆ្នាំថ្មីចិន ឆ្នាំ ២០២៥ ឆ្នាំម្សាញ់បានរចនាឡើង តាមធាតុចូលនៃវប្បធម៌ប្រពៃណីចិន ដែលមានប្រវត្តិសាស្ត្រដ៏យូរលង់ និងរូបរាងដូចតួអង្សរ “巳” (Sì ) ដែលឆ្លាក់លើឆ្អឹងសត្វនិងស្នួកអណ្តើកនាសម័យបុរាណចិន ពោលគឺ ក្បាលធំមូលៗ ដងខ្លួនតូចកោង មើលទៅគួរឱ្យស្រឡាញ់ផង ប្រកបដោយវប្បធម៌ប្រពៃណីផង ។
ម៉ាស្កូត “ Sì Sheng Sheng ” បង្ហាញពីសិរីមង្គលនិងភាពស្រស់ស្អាត នៃវប្បធម៌ប្រជាជាតិចិន ដែលជាការជូនពរដ៏ល្អបវរ ។
សូមបញ្ជាក់ថា កម្មវិធីរាត្រីសមោសរអបអរសាទរបុណ្យចូលឆ្នាំថ្មីចិន ឆ្នាំម្សាញ់ក្រោមប្រធានបទ “សម្រេចជោគជ័យគ្រប់ភារកិច្ចនៅឆ្នាំម្សាញ់ បន្តវេនវប្បធម៌គ្រប់ជំនាន់！” ណាត់ជួបគ្នាជាមួយជនជាតិចិន នៅជុំវិញពិភពលោក នៅយប់ដាច់ឆ្នាំថ្មី តាមចន្ទគតិចិន ដើម្បីអបអរពិធីបុណ្យចូលឆ្នាំប្រពៃណីចិន ដោយសប្បាយរីករាយ៕
