ជប៉ុន កំពុងប្រុងប្រយ័ត្ន ក្រោយច្បាប់អាជ្ញាសឹក របស់កូរ៉េខាងត្បូង បង្កឲ្យមានភាពចលាចល

តូក្យូ ៖ ប្រទេសជប៉ុនបានឲ្យដឹងថា ខ្លួននឹងតាមដានយ៉ាងដិតដល់នូវ ស្ថានភាពវិវត្តនៅក្នុងប្រទេសកូរ៉េខាងត្បូង ដើម្បីកំណត់ពីផលប៉ះពាល់ របស់វាទៅលើទំនាក់ទំនងទ្វេភាគី បន្ទាប់ពីភាពចលាចលពេញមួយយប់ ដែលបានកើតឡើង ដោយការប្រកាសជាបណ្តោះអាសន្ន ប៉ុន្តែភ្លាមៗនៃច្បាប់អាជ្ញាសឹក ។

នាយករដ្ឋមន្ត្រីជប៉ុន លោក Shigeru Ishiba ដែលបានសន្យាថា នឹងបន្តធ្វើឱ្យប្រសើរឡើង នូវទំនាក់ទំនងរបស់ជប៉ុន ជាមួយកូរ៉េខាងត្បូងបានឲ្យដឹងថា រដ្ឋាភិបាលជប៉ុន កំពុងមើលការវិវឌ្ឍន៍ ជាមួយនឹងការព្រួយបារម្ភជាពិសេស ។ នៅពេលសួរអំពីចំណាប់អារម្មណ៍ដែលបានរាយការណ៍ របស់គាត់ក្នុងដំណើរទស្សនកិច្ចទៅកាន់ប្រទេសកូរ៉េខាងត្បូង សម្រាប់កិច្ចប្រជុំកំពូលជាមួយប្រធានាធិបតីលោក Yoon Suk Yeol នៅដើមខែមករា លោក Ishiba បានប្រាប់អ្នកយកព័ត៌មានថា “គ្មានអ្វីជាក់លាក់ត្រូវបានកំណត់នៅឡើយទេ” ។

អតីតនាយករដ្ឋមន្ត្រីលោក Yoshihide Suga ដែលជាមនុស្សដែលដឹង ពីបញ្ហានេះបានឲ្យដឹងថា បន្ទាប់ពីការសម្រេចចិត្តរបស់លោក Yoon បានធ្វើឱ្យមានការភ្ញាក់ផ្អើល តាមរយៈប្រទេសប្រជាធិបតេយ្យ កូរ៉េខាងត្បូង និងលើសពីនេះ ក្រុមសមាជិកសភាជប៉ុន មួយក្រុមបានសម្រេចចិត្តលុបចោលការ ធ្វើដំណើរពាក់កណ្តាលខែធ្នូដោយមេដឹកនាំរបស់ខ្លួន។

យោងតាមប្រភពជិតស្និទ្ធ នឹងលោកបានឲ្យដឹងថា រដ្ឋមន្ត្រីការពារជាតិលោក Gen Nakatani ក៏បានសម្រេចចិត្តពន្យារពេលដំណើរទស្សនកិច្ចរបស់លោក ដែលគ្រោងដំបូងធ្វើឡើង នៅចុងខែធ្នូ ខណៈដែលសមភាគីកូរ៉េខាងត្បូង របស់លោកបានស្នើឱ្យចុះចេញពីតំណែង នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន

ប្រសិនបើដំណើរទស្សនកិច្ចរបស់លោក Nakatani កើតឡើងនោះ វានឹងជាលើកដំបូងដោយប្រមុខការពារជាតិជប៉ុនទៅកាន់ប្រទេសជិតខាងក្នុងរយៈពេល ៩ឆ្នាំ។ អ្នកចូលរួមកិច្ចប្រជុំបានឲ្យដឹងថា កាលពីល្ងាចថ្ងៃពុធ ស្របពេលដែលលោក Ishiba បានពិភាក្សាអំពីស្ថានភាពកូរ៉េខាងត្បូងជាមួយលោក Nakatani រដ្ឋមន្ត្រីការបរទេស Takeshi Iwaya និងមន្ត្រីរដ្ឋាភិបាលដទៃទៀត៕
ប្រែសម្រួល ឈូក បូរ៉ា