បរទេស ៖ យោងតាមការ ចេញផ្សាយរបស់ RT ប្រធានាធិបតីបារាំងលោក Emmanuel Macron បានប្រកាសកាលពីថ្ងៃព្រហស្បតិ៍ថា លោកនឹងបន្តកាន់តំណែងរហូតដល់ឆ្នាំ២០២៧ នៅពេលដែលអាណត្តិ រយៈពេល៥ឆ្នាំ របស់លោកបានបញ្ចប់ ។
ក្នុងនោះផងដែរលោកបានបន្ថែមថា លោកនឹងតែងតាំងនាយករដ្ឋមន្ត្រីថ្មី ក្នុងរយៈពេលប៉ុន្មានថ្ងៃ បន្ទាប់ពីការលាលែងពីតំណែង នៅថ្ងៃព្រហស្បតិ៍នៃការបណ្តេញលោក Michel Barnier ។
រដ្ឋសភាបានអនុម័តការ បោះឆ្នោតមិន ទុកចិត្តជាប្រវត្តិសាស្ត្រប្រឆាំងនឹងលោក Barnier ដែលជាការកត់សម្គាល់រយៈពេលខ្លីបំផុត សម្រាប់នាយករដ្ឋមន្ត្រី ក្នុងប្រវត្តិសាស្ត្របារាំង សម័យទំនើបដោយកន្លងមក ធ្លាប់មាន តែរដ្ឋាភិបាលមួយគត់ដែលបានបណ្តេញ នាយករដ្ឋមន្ត្រីចេញពីតំណែង គឺលោក Georges Pompidou ក្នុងខែតុលា ឆ្នាំ១៩៦២។
នៅក្នុងសុន្ទរកថាជាសាធារណៈលើកដំបូងរបស់គាត់បន្ទាប់ពីភាពចលាចល លោក Macron បានរិះគន់ក្រុមឆ្វេងនិយម New Popular Front (NPF) និងក្រុមស្តាំនិយមជ្រុល National Rally (RN) ចំពោះតួនាទីរបស់ពួកគេក្នុងការបណ្តេញចេញ ដោយហៅសម្ព័ន្ធភាពរបស់ពួកគេថាជា រណសិរ្សប្រឆាំងសាធារណរដ្ឋ។
កាលពីមិថុនាលោក Macron ក៏បានបញ្ជាក់ពីចេតនា របស់គាត់ក្នុងការបន្តកាន់តំណែងរហូតដល់ខែឧសភាឆ្នាំ២០២៧ ដោយមិនគិតពីលទ្ធផល នៃការបោះឆ្នោតសភារដូវក្តៅ ដែលគាត់បានហៅ។ នៅពេលនោះ Marine Le Pen ដែលជាប្រធាន RN បាននិយាយថា មានតែការលាលែងពីតំណែងរបស់ Macron ប៉ុណ្ណោះដែលនឹងជៀសវាងសភាដែលត្រូវបានព្យួរ សម្រាប់រយៈពេលបីឆ្នាំ ដែលនៅសល់នៃអាណត្តិរបស់គាត់៕
ប្រែសម្រួល៖ស៊ុនលី
