បរទេស៖ ប៉ូលិសបាននិយាយថា បុរសជនជាតិសិង្ហបុរីម្នាក់ដែលវិស្សមកាលនៅភូកេតបានស្លាប់ភ្លាមៗបន្ទាប់ពីការម៉ាស្សារាងកាយដ៏យូរមួយនៅឯឆ្នេរ Patong ក្នុងស្រុក Kathu ។ នេះជាការស្លាប់លើកទីពីរហើយកាលពីចុងសប្តាហ៍ពាក់ព័ន្ធនឹងការម៉ាស្សា បន្ទាប់ពីតារាចម្រៀងវ័យស្រីក្មេងអាយុ ២០ ម្នាក់បានស្លាប់កាលពីថ្ងៃអាទិត្យ ក្រោយពីម៉ាស្សាបានបីជុំរហូតបាក់ ក។
យោងតាមសារព័ត៌មាន បាងកក ប៉ុស្តិ៍ ចេញផ្សាយកាលពីថ្ងៃទី៩ ខែធ្នូ ឆ្នាំ២០២៤ បានឱ្យដឹងថាមេប៉ូលិសក្រុង Patong លោកវីរសេនីយ៍ Chalermchai Hernsawad បាននិយាយថា ប៉ូលីសត្រូវបានជូនដំណឹងដោយហាងម៉ាស្សានៅឆ្នេរ Patong ថា មានបញ្ហាពាក់ព័ន្ធនឹងអ្នកទេសចរជនជាតិសិង្ហបុរីម្នាក់នៅម៉ោងប្រហែល១១៖០៣នាទី យប់ថ្ងៃសៅរ៍។
លោក Lee Mun Tuck អាយុ ៥២ឆ្នាំត្រូវបានផ្តល់ការម៉ាស្សាប្រេងលើរាងកាយនៅលើឆ្នេររយៈពេល ៤៥ នាទី។ លោកក៏បានសម្រាកបន្ទាប់ពីម៉ាស្សាហើយ បន្ទាប់មកក៏ឈប់ដកដង្ហើម។
ហាងម៉ាស្សាបានសុំប៉ូលិសនិងពេទ្យជួយបន្ទាប់ពីបុរសនោះត្រូវបាន CPR (ជួយសង្រ្គោះបេះដូង) ប៉ុន្តែគាត់មិនបានដឹងខ្លួនវិញទេ។
លោកវរសេនីយ៍ Chalermchai បាននិយាយថា ភរិយារបស់លោក Lee បានបដិសេធមិនអនុញ្ញាតឱ្យធ្វើកោសល្យវិច័យ ហើយកំពុងយកសាកសពរបស់ប្តីគាត់ត្រឡប់ទៅផ្ទះដើម្បីធ្វើបុណ្យតាមសាសនា៕
ប្រែសម្រួលៈ ណៃ តុលា
