ប៉េកាំង៖ អ្នកនាំពាក្យក្រសួងការបរទេសចិន បានជំរុញឱ្យសហរដ្ឋអាមេរិក ពិនិត្យមើលចេតនាយុទ្ធសាស្ត្រ និងការអភិវឌ្ឍវិស័យការពារជាតិរបស់ប្រទេសចិន ក្នុងគោលបំណង និងសមហេតុផល ដើម្បីឆ្លើយតបទៅនឹងរបាយការណ៍ ដែលមិនទទួលខុសត្រូវរបស់សហរដ្ឋអាមេរិក ស្តីពីការអភិវឌ្ឍផ្នែកយោធា និងសន្តិសុខរបស់ប្រទេសចិន។
អ្នកនាំពាក្យចិនលោក Lin Jian បានឲ្យដឹងថា “របាយការណ៍នេះ ដូចអ្វីដែលយើងបានឃើញពីមុនមក សង្កត់ធ្ងន់តិចតួចលើការពិត។ វាពោរពេញទៅដោយភាពលំអៀង និងត្រូវបានបង្កើតឡើង ដើម្បីពង្រីកការនិទានរឿង “ការគំរាមកំហែងរបស់ចិន” ដើម្បីបង្ហាញអំពីភាពត្រឹមត្រូវនៃបំណងប្រាថ្នារបស់សហរដ្ឋអាមេរិក ក្នុងការរក្សាឧត្តមភាពយោធារបស់ខ្លួន” ។
លោកបានលើកឡើងថា ប្រទេសចិន មានការប្តេជ្ញាចិត្តយ៉ាងពេញលេញក្នុងការធ្វើជាកម្លាំងសម្រាប់សន្តិភាព ស្ថិរភាព និងវឌ្ឍនភាពនៅក្នុងពិភពលោក ហើយប្តេជ្ញាដូចគ្នាដើម្បីការពារអធិបតេយ្យភាព សន្តិសុខ និងបូរណភាពទឹកដីរបស់ខ្លួន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកបានបញ្ជាក់បន្ថែមថា “យើងអំពាវនាវឱ្យសហរដ្ឋអាមេរិក បោះបង់ចោលចិត្តគំនិតសង្រ្គាមត្រជាក់ និងវិធីអនុត្តរភាពនៃការគិត មើលចេតនាយុទ្ធសាស្ត្រ និងការអភិវឌ្ឍន៍ការពារជាតិរបស់ចិន ក្នុងគោលបំណង និងសមហេតុផល បញ្ឈប់ការចេញរបាយការណ៍មិនទទួលខុសត្រូវប្រភេទនេះពីមួយឆ្នាំទៅមួយឆ្នាំ ហើយត្រូវប្រាកដថាខ្លួនធ្វើអ្វី គឺអំណោយផលដល់ទំនាក់ទំនងស្ថិរភាពរវាងប្រទេសទាំងពីរ និងយោធានៃប្រទេសទាំងពីរ”៕
ប្រែសម្រួល ឈូក បូរ៉ា
