បរទេស៖ យោងតាមការចេញផ្សាយរបស់ RT យោងតាមសេចក្តីថ្លែងការណ៍របស់សេតវិមានកាលពីថ្ងៃសុក្របានឱ្យដឹងថា ប្រធានាធិបតីសហរដ្ឋអាមេរិក Joe Biden បានផ្តល់សិទ្ធិចំនួន ៥៧១,៣លានដុល្លារ នៅក្នុងកុងត្រាសរុបជាជំនួយជាយោធាសម្រាប់វិស័យការពារជាតិសម្រាប់កោះតៃវ៉ាន់។
រដ្ឋាភិបាលទីក្រុងប៉េកាំងដែលទទូចថាកោះគ្រប់គ្រងដោយខ្លួនឯង គឺជាផ្នែកមួយនៃសាធារណរដ្ឋប្រជាមានិតចិន ចាត់ទុកទំនាក់ទំនងទាំងនេះថាជាការរំលោភលើអធិបតេយ្យភាពរបស់ខ្លួន និងការគំរាមកំហែងដល់ស្ថិរភាពក្នុងតំបន់។
កញ្ចប់ជំនួយនេះរួមបញ្ចូលទាំងការលក់សម្ភារៈយោធាដែលមានសក្តានុពលដែលមានតម្លៃប្រមាណ ២៦៥ លានដុល្លារហើយរដ្ឋាភិបាលសហរដ្ឋអាមេរិកក៏បានអនុម័តការលក់គ្រឿងបន្លាស់ចំនួន៣០លានដុល្លារបន្ថែមទៀតសម្រាប់ autocannon ទំហំ៧៦ មីលីម៉ែត្រផងដែរ។
ខណៈពេលដែលសហរដ្ឋអាមេរិកប្រកាន់ខ្ជាប់ជាផ្លូវការនូវគោលនយោបាយចិនតែមួយ ដោយទទួលស្គាល់កោះតៃវ៉ាន់ជាផ្នែកមួយនៃប្រទេសចិននោះ ខ្លួននៅតែបានចូលរួមក្នុងពេលដំណាលគ្នាក្នុងកិច្ចសហប្រតិបត្តិការយោធាជាមួយរដ្ឋាភិបាលក្នុងទីក្រុងតៃប៉ិ។
រំលឹកដែរថាកាលពីដើមខែធ្នូ រដ្ឋាភិបាលក្រុងប៉េកាំងបានដាក់ទណ្ឌកម្មលើក្រុមហ៊ុនយោធាអាមេរិក និងនាយកប្រតិបត្តិជាន់ខ្ពស់ជាច្រើននាក់ ដើម្បីឆ្លើយតបទៅនឹងការយល់ព្រមលើការលក់អាវុធទៅឱ្យទីក្រុងតៃប៉ិ។
ដោយឡែកនៅក្នុងខែវិច្ឆិកា ក្រសួងការបរទេសសហរដ្ឋអាមេរិកបានអនុញ្ញាតកញ្ចប់ថវិកាចំនួន៣៨៥លានដុល្លារ បន្ទាប់ពីមួយក្នុងខែតុលាប្រមាណជា២ពាន់លានដុល្លារ និងបន្ទាប់ពីបានប្រកាសកិច្ចព្រមព្រៀងចំនួន៥៦៧លានដុល្លារកាលពីខែកញ្ញា៕
ប្រែសម្រួល៖ ស៊ុនលី
