បរទេស៖ សេវាសន្តិសុខសហព័ន្ធរុស្ស៊ី (FSB) បាននិយាយថា ខ្លួនបានរារាំងការប៉ុនប៉ងធ្វើឃាតជាច្រើន លើមន្ត្រីយោធាជាន់ខ្ពស់របស់រុស្ស៊ី។ អាជ្ញាធររុស្ស៊ីអះអាងថា ការវាយប្រហារដែលគ្រោងទុកនោះ គឺសេវាស៊ើបការណ៍សម្ងាត់អ៊ុយក្រែន ជាគំនិត។
យោងតាមសារព័ត៌មាន RT ចេញផ្សាយនៅថ្ងៃទី២៦ ខែធ្នូ ឆ្នាំ២០២៤ បានឱ្យដឹងថា នៅក្នុងសេចក្តីប្រកាសព័ត៌មានកាលពីថ្ងៃព្រហស្បតិ៍ FSB បាននិយាយថា ខ្លួនបានរារាំងការប៉ុនប៉ងធ្វើឃាត ជាបន្តបន្ទាប់លើជីវិតរបស់បុគ្គលិកយោធាជាន់ខ្ពស់ ដែលចូលរួមក្នុងប្រតិបត្តិការយោធាពិសេស និងក្រុមគ្រួសាររបស់ពួកគេ [ដែលត្រូវបានរៀបចំ] ដោយប្រតិបត្តិករសេវាកម្មពិសេសអ៊ុយក្រែន ”។
យោងតាមទីភ្នាក់ងារនេះ គឺគេបានឃាត់ខ្លួនជនជាតិរុស្ស៊ីចំនួន ៤នាក់ពាក់ព័ន្ធនឹងការគ្រោងទុក ។ ម្នាក់ក្នុងចំនោមពួកគេត្រូវបានគេនិយាយថា បានមកដល់ទីក្រុងមូស្គូពី អ៊ុយក្រែនតាមរយៈប្រទេសម៉ុលដាវី និង ប្រទេសហ្សកហ្ស៊ី កាលពីខែមុនក្រោមការបង្ហាញពីនីតិវិធីនិរទេស។ ទីភ្នាក់ងារសន្តិសុខបានបញ្ចេញវីដេអូ នៃការសួរចម្លើយបុរសនោះ ដែលនៅក្នុងនោះគាត់រៀបរាប់ពីរបៀបដែលគាត់ និងប្រពន្ធរបស់គាត់បានផ្លាស់ទៅ ប្រទេសអ៊ុយក្រែនក្នុងឆ្នាំ ២០២០ “ដើម្បីស្វែងរកជីវិតប្រសើរជាងមុន” ប៉ុន្តែភ្លាមៗនោះគេបានរកឃើញថា ពួកគេគ្មានលុយគ្រប់គ្រាន់ និងបៀតបៀនដោយអាជ្ញាធរអន្តោប្រវេសន៍។
ជនសង្ស័យអះអាងថា មន្ត្រីចារកម្មអ៊ុយក្រែនបានទាក់ទងពួកគេ ហើយនៅទីបំផុតបានជ្រើសរើសពួកគេ សម្រាប់ផែនការធ្វើឃាតនៅក្នុងប្រទេសរុស្ស៊ី។
យោងតាម FSB បុគ្គលនោះបានទាញយកឧបករណ៍បំផ្ទុះ ក៏ដូចជាឧបករណ៍ឃ្លាំមើលវីដេអូ ពីឃ្លាំងសម្ងាត់ក្នុងតំបន់មូស្គូ ហើយត្រូវបានគេសន្មត់ថាដាក់គ្រាប់បែក នៅក្រោមរថយន្តរបស់មន្ត្រីយោធាជាន់ខ្ពស់រុស្ស៊ី ៕
ប្រែសម្រួលៈ ណៃ តុលា
