បរទេស៖ ប៉ូលិស និងក្រុមអ្នកពន្លត់អគ្គីភ័យបាននិយាយថា យ៉ាងហោចណាស់មនុស្ស ២៨នាក់បានស្លាប់ និង ជាច្រើននាក់ទៀត ទំនងជាបានរងរបួស បន្ទាប់ពីយន្តហោះ ដឹកអ្នកដំណើររបស់កូរ៉េខាងត្បូង ដែលផ្ទុកមនុស្ស ១៨១នាក់ បានធ្លាក់ពេលកំពុងចុះចត នៅឯអាកាសយានដ្ឋាន មួយនៅភាគនិរតីរបស់ប្រទេសនៅថ្ងៃអាទិត្យនេះ។
យោងតាមសារព័ត៌មាន យ៉ុនហាប់ ចេញផ្សាយនៅថ្ងៃទី២៩ ខែធ្នូ ឆ្នាំ២០២៤ បានឱ្យដឹងថា ឧបទ្ទវហេតុនេះបានកើតឡើងនៅម៉ោង ៩ និង៧នាទីព្រឹក នៅពេលដែលជើងហោះហើរ Jeju Air បានបត់ចេញពីផ្លូវរត់ខណៈពេលដែលចុះចត ហើយបានបុកនឹងរបងជញ្ជាំងនៅឯអាកាសយានដ្ឋានអន្តរជាតិ Musan ក្នុងតំបន់ Muan ចម្ងាយប្រហែល ២៨៨គីឡូម៉ែត្រភាគនិរតីនៃទីក្រុងសេអ៊ូល។
អាជ្ញាធរបានបញ្ជាក់ថា មនុស្ស ២៨ នាក់បានស្លាប់ក្នុងការធ្លាក់យន្តហោះ ដែលពួកគេទាំងអស់ត្រូវបានរកឃើញនៅផ្នែកកន្ទុយរបស់យន្តហោះ ដោយចំនួនអ្នកស្លាប់ទំនងជាកើនឡើង។ បីនាក់ត្រូវបានជួយសង្គ្រោះ។
អាជ្ញាធរមិនទាន់បង្ហាញចំនួនអ្នកស្លាប់នៅឡើយទេ។ សរុប ១៨១ នាក់ រួមទាំងសមាជិកនាវិក ៦ នាក់ បានជិះលើយន្តហោះដែលកំពុងត្រឡប់មកពីបាងកក។
អ្នកដំណើរភាគច្រើនជាជនជាតិកូរ៉េ និងមានជនជាតិថៃពីរនាក់។ ការធ្លាក់យន្តហោះនេះបានធ្វើឱ្យខូចខាតយ៉ាងធ្ងន់ធ្ងរ បណ្តាលឱ្យមានអគ្គីភ័យផងដែរ៕
ប្រែសម្រួលៈ ណៃ តុលា
