បរទេស ៖ យោងតាមការ ចេញផ្សាយរបស់ RTចំនួនអ្នកគ្មានផ្ទះសម្បែង រស់នៅនៅក្នុងសហរដ្ឋអាមេរិក បានឈានដល់កម្រិត មួយចាប់តាំងពីរដ្ឋាភិបាល សហព័ន្ធបានចាប់ផ្តើម តាមដានតួលេខនៅឆ្នាំ ២០០៧។
យោងតាមទិន្នន័យ ដែលបានចេញផ្សាយក្នុងសប្តាហ៍នេះ ស្ទើរតែបីភាគបួន នៃប្រជាជនមួយលាននាក់ ហើយឬត្រូវជា ៧៧១,០០០ នាក់គ្មានផ្ទះសម្បែង នៅក្នុងសហរដ្ឋអាមេរិក កើនឡើងប្រមាណជា១៨ភាគរយ បើប្រៀបធៀបទៅនឹងឆ្នាំ២០២៣ ដែលជាការកើនឡើងប្រចាំឆ្នាំយ៉ាងខ្លាំង បំផុតក្នុងរយៈពេលជាច្រើនទសវត្សរ៍។
តួលេខដែលបានចេញផ្សាយ ដោយក្រសួងទទួលបន្ទុកកិច្ចការងារ លំនៅដ្ឋាន និងអភិវឌ្ឍន៍ទីក្រុងហៅ កាត់ថាHUD របស់សហរដ្ឋអាមេរិកកាលពីថ្ងៃសុក្រ បានរាយការណ៍ទៀតថាមនុស្ស២៣នាក់ក្នុងចំណោមមនុស្ស១០,០០០ នាក់បច្ចុប្បន្ននៅក្នុង សហរដ្ឋអាមេរិកគឺជាក្រុមមនុស្ស ដែលគ្មានផ្ទះសំបែងរស់នៅ។
ប្រភពដដែលបាន សរសេរទៀតថា ការកើនឡើងនេះធ្វើឡើង បន្ទាប់ពីការកើនឡើង១២ភាគរយ អត្រាកើនឡើង កាលពីក្នុងឆ្នាំ២០២៣ដែលនាយកដ្ឋានបានសន្មតថា មានការកើនឡើងនៃការជួលកន្លែងស្នាក់នៅ និងការបញ្ចប់ជំនួយ នៃជំងឺរាតត្បាត។
គួរឲ្យដឹងដែរថាកង្វះលំនៅឋាន តម្លៃសមរម្យ ទូទាំងប្រទេសកំពុងកើនឡើង ដោយសារតែកត្តាមួយចំនួន ដូចជាការកើនឡើងអតិផរណា ប្រាក់ឈ្នួលនៅទ្រឹងក្នុង ចំណោមគ្រួសារដែលមានចំណូលមធ្យម និងទាប និងផលប៉ះពាល់ជាបន្តបន្ទាប់ នៃការរើសអើងជាតិ សាសន៍ជាប្រព័ន្ធ គ្រោះមហន្តរាយធម្មជាតិ និងការហូរចូល នៃជនចំណាកស្រុក ដោយគ្មានលទ្ធភាពទទួល បានលំនៅឋានស្ថិរភាពជាដើម៕
ប្រែសម្រួល៖ស៊ុនលី
