NANNING៖ កាលពីថ្ងៃអាទិត្យ ស្ពាន Longmen ដែលជាស្ពានឆ្លងសមុទ្រវែង ជាងគេបំផុតនៅក្នុងតំបន់ស្វយ័ត Guangxi Zhuang នៅភាគខាងត្បូងនៃប្រទេសចិន បានបើកឱ្យធ្វើចរាចរណ៍ ដោយកាត់បន្ថយពេលវេលា ដែលត្រូវការក្នុងការធ្វើដំណើរចន្លោះកំពង់ផែ Qinzhou និងកំពង់ផែ Fangchenggang ដែលប្រើពេលពី ១,៥ម៉ោងមកត្រឹមតែ២៥នាទីប៉ុណ្ណោះ ។
យោងតាមរដ្ឋាភិបាលនៅក្នុងតំបន់បានឲ្យដឹងថា ស្ពាន Longmen នៅQinzhou មានប្រវែងប្រហែល ៧,៦គីឡូម៉ែត្រ ។ ស្ពាននេះត្រូវបានអនុវត្តតាមស្តង់ដារ សាងសង់ផ្លូវល្បឿនលឿនថ្នាក់ទី១ដែលមាន២ផ្លូវ ដែលមាន៦គន្លង និងត្រូវបានរចនាឡើង សម្រាប់ល្បឿនបើកបរក្នុងល្បឿន ១០០គីឡូម៉ែត្រក្នុង១ម៉ោង ។
គួរបញ្ជាក់ថា ស្ពាននេះគឺជាផ្លូវឆ្លងកាត់ដ៏សំខាន់មួយ នៅក្នុងតំបន់សេដ្ឋកិច្ចឈូងសមុទ្រ Beibu ហើយត្រូវបានគេរំពឹងថា នឹងជួយដល់ការអភិវឌ្ឍន៍ ប្រកបដោយគុណភាពខ្ពស់នៃតំបន់នេះ ៕
ប្រែសម្រួលដោយ៖ ម៉ៅ បុប្ផាមករា
