បរទេស៖ តុលាការក្នុងទីក្រុងសេអ៊ូល បានអនុម័តសំណើរពីអាជ្ញាធរអនុវត្តច្បាប់ ដើម្បីឃុំខ្លួនលោក Yoon Suk Yeol ប្រធានាធិបតីដែលត្រូវបានចោទប្រកាន់, នេះបើយោងតាមសារព័ត៌មាន Yonhap ។ នេះជាលើកដំបូងក្នុងប្រវត្តិសាស្ត្រប្រទេសដែលមេដឹកនាំស្ថិតក្នុងតំណែង ត្រូវប្រឈមនឹងដីកាចាប់ខ្លួន ។
យោងតាមសារព័ត៌មាន RT ចេញផ្សាយនៅថ្ងៃទី៣១ ខែធ្នូ ឆ្នាំ២០២៤ បានឱ្យដឹងថា តុលាការក្រុងសេអ៊ូល ខាងលិច របស់កូរ៉េខាងត្បូងបានចេញដីកា ប្រឆាំងនឹងលោក Yoon នៅថ្ងៃអង្គារនេះលើបទចោទ ប្រកាន់ពីបទធ្វើជាម្ចាស់ លើការប្រកាសច្បាប់អាជ្ញាសឹកថ្ងៃទី៣ ខែធ្នូ រៀបចំការបះបោរ និងការរំលោភ បំពានអំណាច។ ការិយាល័យស៊ើបអង្កេតអំពើ ពុករលួយសម្រាប់មន្ត្រីជាន់ខ្ពស់ (CIO) បានដាក់ដីកាឃុំខ្លួន បន្ទាប់ពីលោក Yoon មិនអើពើ នឹងការកោះហៅចំនួនបី ដើម្បីចូលខ្លួនដើម្បីសាកសួរ ទាក់ទងនឹងច្បាប់អាជ្ញា សឹករយៈពេលខ្លី។
ការសម្រេចចិត្តរបស់តុលាការទុកពេល ៤៨ ម៉ោងដល់ CIO ដើម្បីនាំយកលោក Yoon ទៅឃុំឃាំងដើម្បីសាកសួរ ប៉ុន្តែភាពមិនច្បាស់លាស់នៅ តែមានទាក់ទង នឹងការអនុវត្តដីកានេះ ។
សូមជម្រាបថា សេវាសន្តិសុខប្រធានាធិបតី ពីមុនបានរារាំងអ្នកស៊ើបអង្កេត មិនឱ្យចូលទាំងបរិវេណ ការិយាល័យ ប្រធានាធិបតី និងកន្លែងស្នាក់នៅផ្លូវការរបស់លោក Yoon ជុំវិញបញ្ហាសន្តិសុខដែលត្រូវបានលើកឡើង៕
