បរទេស៖ នាយករដ្ឋមន្ត្រីថៃ លោកស្រី ផែតងតាន ស៊ីណាវ៉ាត្រា ស្ទើរតែធ្លាក់ខ្លួនជាជនរងគ្រោះ ដោយការឆបោកតាមទូរស័ព្ទដោយប្រើ AI ដើម្បីក្លែងបន្លំសំឡេងមេដឹកនាំបរទេស។
យោងតាមសារព័ត៌មាន VN Express ចេញផ្សាយនៅថ្ងៃទី១៦ ខែមករា ឆ្នាំ២០២៥ បានឱ្យដឹងថា នាយករដ្ឋមន្ត្រី ដែលជាកូនស្រីពៅអតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា បាននិយាយថា លោកស្រីបានទទួលសារក្នុងសំឡេង ដែលស្តាប់ទៅដូចគ្នាទៅនឹងមេដឹកនាំដ៏ល្បី ដោយលោកស្រីមិនបានបញ្ជាក់ អត្តសញ្ញាណបុគ្គលនោះទេ។
លោកស្រី ផែតងតាន ស៊ីណាវ៉ាត្រា បាននិយាយថា «ក្នុងឃ្លីបសំឡេងនោះ គាត់និយាយថាគាត់ទន្ទឹងរង់ចាំជួបខ្ញុំ ហើយធ្វើការជាមួយគ្នា។ លោកស្រីបានខកខានក្នុងការទទួលទូរស័ព្ទ ពីលេខដូចគ្នានៅពេលយប់ មុនពេលសារជាសំឡេងទីពីរនៅថ្ងៃបន្ទាប់ ធ្វើឱ្យលោកស្រីមានការសង្ស័យ។
លោកស្រីបាននិយាយថា៖ «សំឡេងបាននិយាយថា ប្រទេសថៃជាប្រទេសអាស៊ានតែមួយគត់ ដែលមិនទាន់បានបរិច្ចាគ។ នៅពេលដែលខ្ញុំបានឮដូច្នេះ ខ្ញុំគិតថា «នេះមិនត្រឹមត្រូវទេ»។ សារមួយដែលសុំឱ្យលុយផ្ញើទៅគណនីធនាគារ នៅក្រៅប្រទេសថៃភ្លាមៗនោះ ដែលបានធ្វើឡើងដោយបញ្ជាក់ ពីការសង្ស័យរបស់លោកស្រី។
នាយករដ្ឋមន្ត្រីថៃ លោកស្រី ផែតងតាន ស៊ីណាវ៉ាត្រា បាននិយាយថា៖ «ខ្ញុំដឹងវាច្បាស់ណាស់ពេលខ្ញុំឃើញវា»។
អ្វីដែលគេហៅថា “ការឆបោកតាមមជ្ឈមណ្ឌលហៅតាមទូរស័ព្ទ” គឺជារឿងធម្មតានៅក្នុងប្រទេសថៃ ដែលក្នុងនោះអ្នកក្លែងបន្លំ បានបន្លំខ្លួនធ្វើជាប៉ូលីស មន្ត្រីរដ្ឋាភិបាល ឬបុគ្គលិកធនាគារ ដែលជារឿយៗប្រើ ដោយស្វ័យប្រវត្តិដើម្បីធ្វើទំនាក់ទំនងដំបូង៕
ប្រែសម្រួលៈ ណៃ តុលា
