បរទេស៖ ក្រសួងឌីជីថល សេដ្ឋកិច្ច និងសង្គម របស់ប្រទេសថៃ កំពុងសម្របសម្រួលជាមួយប្រទេសជិតខាង ដើម្បីបង្ក្រាបការហៅទូរសព្ទបោកប្រាស់ ឬ ឆបោកតាមទូរស័ព្ទ បន្ទាប់ពីនាយករដ្ឋមន្ត្រីថៃ លោកស្រី ផែតងតាន ស៊ូណាវ៉ាត្រា បានអះអាងកាលពីថ្ងៃពុធថា លោកស្រីស្ទើរ តែក្លាយជាជនរងគ្រោះ នៃការបោកប្រាស់ តាមទូរសព្ទដោយប្រើសំឡេង AI ក្លែងបន្លំជាសំឡេងមេដឹកនាំបរទេស ដោយសុំជំនួយពីលោកស្រី។
យោងតាមសារព័ត៌មាន បាងកក ប៉ុស្តិ៍ ចេញផ្សាយនៅថ្ងៃទី១៧ ខែមករា ឆ្នាំ២០២៥ បានឱ្យដឹងថា ឧបនាយករដ្ឋមន្ត្រី Prasert Jantararuangtong ក្នុងតួនាទីជារដ្ឋមន្ត្រីសេដ្ឋកិច្ច និងសង្គមឌីជីថល កាលពីថ្ងៃព្រហស្បតិ៍បាននិយាយថា លោកស្រី ផែតងតាន ដែលធ្វើជាប្រធានកិច្ចប្រជុំរដ្ឋមន្ត្រីឌីជីថលអាស៊ាន (ADGMIN) លើកទី ៥ ដែលបានធ្វើឡើង កាលពីថ្ងៃព្រហស្បតិ៍ និងថ្ងៃសុក្រ នៅទីក្រុងបាងកក បានសង្កត់ធ្ងន់លើសារៈសំខាន់ នៃសកម្មភាពអាស៊ានក្នុងលក្ខណៈរួមគ្នា ដើម្បីប្រយុទ្ធប្រឆាំង នឹងការបោកប្រាស់តាមអ៊ីនធឺណិតឆ្លងដែន។
នាយករដ្ឋមន្ត្រីបានស្នើឱ្យ លោក Prasert ដោះស្រាយករណីដែលលោកស្រីស្ទើរ តែក្លាយជាជនរងគ្រោះ នៃក្រុមឆបោកដោយសារ តែក្រុមឆបោក ដោយប្រើកម្មវិធី Line ។ វាបានប្រើកម្មវិធីសម្រាប់ប្រទេសបរទេស។
កាលពីថ្ងៃពុធ នាយករដ្ឋមន្ត្រី បានបង្ហាញថា លោកស្រីត្រូវបានគេកំណត់គោលដៅបោកបញ្ឆោត ដោយអ្នកហៅបោកប្រាស់ដែលបានបង្ហាញខ្លួនជាអ្នកដឹកនាំប្រទេសមួយទៀត ដោយប្រើសំឡេងពី AI។ មេដឹកនាំរដ្ឋាភិបាលក្លែងក្លាយពីសំឡេង AI នោះ បានប្រាប់លោកស្រីថា លោកស្រីមិនទាន់បានបរិច្ចាគ តាមការរំពឹងទុកនៅឡើយ។
ក្នុងកិច្ចប្រជុំកាលពីម្សិលមិញ លោកស្រី ផែតងតាន ស៊ូណាវ៉ាត្រា បានជំរុញឱ្យប្រទេសសមាជិក អាស៊ានផ្លាស់ប្តូរព័ត៌មាន និងយោបល់អំពីរបៀប ដែលប្លុកនេះអាចធ្វើបន្ថែមទៀត ដើម្បីទ្រទ្រង់សេដ្ឋកិច្ចឌីជីថលក្នុងតំបន់ ។
លោកស្រីបាននិយាយថា “ការបោកប្រាស់តាមអ៊ីនធឺណិត ឥឡូវនេះគឺជាការគំរាមកំហែងយ៉ាងធ្ងន់ធ្ងរ ដល់មិនត្រឹមតែបុគ្គលប៉ុណ្ណោះទេ ប៉ុន្តែក៏មានទំនុកចិត្តសាធារណៈ ចំពោះសេដ្ឋកិច្ចឌីជីថលផងដែរ ដែលទាមទារឱ្យមានការខិតខំប្រឹងប្រែង រួមគ្នាដើម្បីដោះស្រាយ”។
លោកស្រីក៏បានលើកទឹកចិត្ត ដល់ការអភិវឌ្ឍន៍បន្ថែមទៀតនៃយន្តការដ៏មានប្រសិទ្ធភាពមួយនៅក្នុងអាស៊ាន ដើម្បីផ្ទៀងផ្ទាត់ និងគ្រប់គ្រងព័ត៌មាន ដែលបានផ្សព្វផ្សាយ តាមអ៊ីនធឺណិត និងធានានូវការប្រើប្រាស់ប្រកបដោយការទទួលខុសត្រូវលើ AI ជាពិសេសនៅពេលនេះ ដែលតំបន់បន្តពង្រីកការ ប្រើប្រាស់បច្ចេកវិទ្យារបស់ខ្លួន៕
ប្រែសម្រួលៈ ណៃ តុលា
