បរទេស ៖ យោងតាមការចេញផ្សាយ របស់ RT ប្រធានាធិបតីម៉ិកស៊ិកូលោកស្រី Claudia Sheinbaum បានចោទប្រកាន់ សហរដ្ឋអាមេរិកថា បានបញ្ឆេះអំពើហឹង្សាដោយក្រុមជួញដូរ ដោយអនុញ្ញាតឱ្យអាវុធ ដ៏មានអានុភាពហូរទៅភាគខាងត្បូង ហើយរុញច្រានប្រឆាំងនឹងការអះអាង របស់ប្រធានាធិបតី Donald Trump ដែលថាម៉ិកស៊ិកបរាជ័យ ក្នុងការបញ្ឈប់ការធ្វើចំណាកស្រុកខុសច្បាប់ និងការជួញដូរគ្រឿងញៀន។
ការអត្ថាធិប្បាយ របស់លោកស្រី Sheinbaum កាលពីល្ងាចថ្ងៃសៅរ៍បានកើតឡើង នៅពេលដែលនាងបានបញ្ជាឱ្យដំឡើងពន្ធសងសឹក លើទំនិញរបស់សហរដ្ឋអាមេរិក ជាការឆ្លើយតបទៅនឹង ការដកពន្ធ២៥ភាគរយ របស់រដ្ឋបាលលោក Trump លើការនាំចូលពីម៉ិកស៊ិកនិងកាណាដា។
លោកស្រីSheinbaum បានសរសេរនៅក្នុងការបង្ហោះ ដ៏ក្តៅគគុកនៅលើបណ្តាញសង្គម X ថា ៖ យើងបដិសេធទាំងស្រុង នូវការបង្កាច់បង្ខូច ដែលធ្វើឡើងដោយសេតវិមានប្រឆាំង នឹងរដ្ឋាភិបាលម៉ិកស៊ិក ដោយចោទប្រកាន់ថា វាមានសម្ព័ន្ធភាពជាមួយអង្គការ ឧក្រិដ្ឋជនពីព្រោះថា សហរដ្ឋអាមេរិកនោះទេ ដែលបានលក់សព្វាវុធ ដែលមានថាមពលខ្ពស់ទៅឲ្យក្រុមឧក្រិដ្ឋជនទាំងនេះ ដូចដែលបានបង្ហាញ ដោយក្រសួងយុត្តិធម៌អាមេរិកផ្ទាល់កន្លងមកផងដែរ ។
ការកត់សម្គាល់របស់លោកស្រី ប្រធានាធិបតីត្រូវ បានគេមើលឃើញថាទំនងជាសំដៅ ទៅលើរបាយការណ៍ថ្មីៗនេះដោយការិយាល័យគ្រឿងស្រវឹង ថ្នាំជក់ អាវុធ និងជាតិផ្ទុះ (ATF) ដែលបង្ហាញថា អាវុធថ្នាក់យោធាមួយចំនួនធំដែលប្រើ ដោយក្រុមជួញដូរម៉ិកស៊ិក មានប្រភពមកពីសហរដ្ឋអាមេរិក៕
ប្រែសម្រួល៖ស៊ុនលី
