ប៉េកាំង៖ អ្នកនាំពាក្យក្រសួងការបរទេសចិន បានឲ្យដឹងថា តំបន់ហ្គាហ្សា គឺជាផ្នែកដែលមិនអាចកាត់ផ្តាច់ បាននៃទឹកដីប៉ាឡេស្ទីន ហើយប្រទេសចិនប្រឆាំងនឹង ការផ្លាស់ទីលំនៅដោយបង្ខំ របស់ប្រជាជននៅតំបន់ហ្គាហ្សា។
អ្នកនាំពាក្យចិនលោក Guo Jiakun បានធ្វើការកត់សម្គាល់នៅក្នុង សន្និសីទសារព័ត៌មានប្រចាំថ្ងៃមួយ នៅពេលដែលត្រូវបានស្នើសុំឱ្យ ធ្វើអត្ថាធិប្បាយលើសំណើ របស់ប្រធានាធិបតីអាមេរិកលោក ដូណាល់ ត្រាំ ដើម្បីជម្រះចេញ និងកាន់កាប់តំបន់ហ្គាហ្សា។
លោកបានលើកឡើងថា តំបន់ហ្គាហ្សា ជាកម្មសិទ្ធិរបស់ប្រជាជនប៉ាឡេស្ទីន។ វាជាផ្នែកដែលមិនអាចកាត់ផ្តាច់បាននៃទឹកដីប៉ាឡេស្ទីន មិនមែនជាបន្ទះឈីប សម្រាប់ល្បែងនយោបាយនោះទេ ដែលថាវានៅតែជាឈ្នាន់សម្រាប់ក្រុមខ្លាំង។
សង្គ្រាមបានបន្សល់ទុកតំបន់ហ្គាហ្សា រួចទៅហើយក្នុងការបំផ្លិចបំផ្លាញ និងទុក្ខលំបាក។ លោកបានលើកឡើងថា សហគមន៍អន្តរជាតិ ជាពិសេសប្រទេសធំៗគួរតែរួមដៃគ្នា ដើម្បីធ្វើឱ្យតំបន់ហ្គាហ្សា កាន់តែប្រសើរឡើង ជាជាងផ្តល់ជំនួយមនុស្សធម៌ និងជួយដល់ការកសាងឡើងវិញ។
លោកបានបន្ដថា “ប្រទេសចិនគាំទ្រយ៉ាងមុតមាំនូវ សិទ្ធិជាតិស្របច្បាប់របស់ប្រជាជនប៉ាឡេស្ទីន ជឿថា “ប្រជាជនប៉ាឡេស្ទីន គ្រប់គ្រងប៉ាឡេស្ទីន” គឺជាគោលការណ៍សំខាន់ដែលត្រូវតែប្រកាន់ខ្ជាប់ នូវអភិបាលកិច្ចក្រោយជម្លោះនៅតំបន់ហ្គាហ្សា និងប្រឆាំងនឹងការផ្លាស់ទីលំនៅដោយបង្ខំ របស់ប្រជាជននៅតំបន់ហ្គាហ្សា៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
