បណ្ដារដ្ឋសន្ធិសញ្ញា អង្គការសហប្រជាជាតិ ឯកភាពគ្នា សម្រាប់ពិភពលោក គ្មានអាវុធនុយក្លេអ៊ែរ

យូអិន៖ រដ្ឋភាគីនៃសន្ធិសញ្ញា អង្គការសហប្រជាជាតិ ស្តីពីការហាមប្រាមអាវុធនុយក្លេអ៊ែរ បានត្រៀមខ្លួន ដើម្បីបង្ហាញពីការប្តេជ្ញាចិត្ត កាន់តែខ្លាំងរបស់ពួកគេ ក្នុងការធ្វើឱ្យពិភពលោក គ្មានអាវុធបែបនេះ នៅក្នុងសន្និសីទ នៅទីក្រុងញូវយ៉ក នៅសប្តាហ៍ក្រោយ នេះបើយោងតាមសេចក្តី ព្រាងសេចក្តីប្រកាសមួយ ។

អ្នកចូលរួមនៅក្នុងកិច្ចប្រជុំលើកទី ៣ នៃសន្ធិសញ្ញាឆ្នាំ២០២១ ក៏ទំនងជានឹងអំពាវនាវ ឱ្យមានសកម្មភាពឆាប់រហ័ស ក្នុងការកសាងសន្ទុះ សម្រាប់ការរំសាយអាវុធនុយក្លេអ៊ែរចំពេលមាន “ការកើនឡើង នៃអស្ថិរភាពពិភពលោក” បន្ទាប់ពីការលុកលុយរបស់រុស្ស៊ីលើអ៊ុយក្រែន និងជម្លោះធំៗផ្សេងទៀត ។

ភាគីនៃសន្ធិសញ្ញាហាមប្រាម អាវុធនុយក្លេអ៊ែរនឹងបញ្ជាក់សារជាថ្មីអំពី “ការប្តេជ្ញាចិត្តឥតងាក រេរបស់ពួកគេក្នុងការ ដោះស្រាយការគំរាមកំហែង ដែលមានស្រាប់ដែលអាវុធ នុយក្លេអ៊ែរបង្កឱ្យមនុស្សជាតិ” នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ក្យូដូជប៉ុន។

ប្រភពបានឲ្យដឹងថា “សកម្មភាពជាបន្ទាន់ គឺត្រូវការជាចាំបាច់ក្នុងការកសាងការសន្ទនាឡើងវិញ កសាងទំនុកចិត្ត ប្តេជ្ញាចិត្តឡើងវិញ ចំពោះការរំសាយ អាវុធនុយក្លេអ៊ែរ” ដោយកត់សម្គាល់ពីសារៈសំខាន់ នៃការទប់ស្កាត់ “ការវិលត្រឡប់ទៅរកភាពទន់ខ្សោយ នុយក្លេអ៊ែរជាមួយនឹងផលវិបាកដ៏មហន្តរាយ សម្រាប់មនុស្សជាតិទាំងអស់” ។

សេចក្តីព្រាងបានបង្ហាញថា អ្នកចូលរួមក្នុងព្រឹត្តិការណ៍ រយៈពេលប្រាំថ្ងៃដែលចាប់ផ្តើមពីថ្ងៃច័ន្ទ នៅទីស្នាក់ការកណ្តាលរបស់អង្គការ សហប្រជាជាតិ ត្រូវបានគេរំពឹងថានឹងស្វាគមន៍ ការផ្តល់រង្វាន់ណូបែល សន្តិភាពឆ្នាំ២០២៤ ដល់លោក Nihon Hidankyo ដែលជាក្រុមឈានមុខគេ នៃអ្នករស់រានមានជីវិតពីគ្រាប់បែកបរមាណូ។

សេចក្តីប្រកាសសេចក្តីព្រាងនេះ បានឲ្យដឹងថា ភាគីទាំងអស់ “ទទួលស្គាល់ការរងទុក្ខដ៏ធំធេង របស់មនុស្សជាតិ និងការខូចខាតយ៉ាងសំខាន់ នៃជនរងគ្រោះ នៃការប្រើប្រាស់ និងការសាកល្បងអាវុធ នុយក្លេអ៊ែរ” នៅទីក្រុងហ៊ីរ៉ូស៊ីម៉ា និងណាហ្គាសាគី របស់ប្រទេសជប៉ុន នៅក្នុងថ្ងៃបិទបញ្ចប់នៃ សង្គ្រាមលោកលើកទី ២ និងកន្លែងផ្សេងទៀតនៅពេលក្រោយមកទៀត ៕
ប្រែសម្រួល ឈូក បូរ៉ា