បរទេស៖ FBI បានចោទពួក Hacker ដែលមានទំនាក់ទំនងនឹងកូរ៉េខាងជើងថា បានប្រព្រឹត្តិការលួចដ៏ធំបំផុតមួយនៃរូបិយប័ណ្ណគ្រីបតូ ដែលគេស្គាល់ជាសាធារណៈ ដោយបានរឹបអូសយកបានលុយឌីជីថល ដែលមានតម្លៃប្រហែល ១,៥ ពាន់លានដុល្លារពីក្រុមហ៊ុន ដែលមានមូលដ្ឋាននៅទីក្រុងឌូបៃ។
យោងតាមសារព័ត៌មាន AP ចេញផ្សាយនៅថ្ងៃទី២៧ ខែកុម្ភៈ ឆ្នាំ២០២៥ បានឱ្យដឹងថា ការលួចកាលពីដើមខែនេះផ្តោតលើរូបិយបណ្ណឌីជីថល Bybit ដែលជាការដោះដូរគ្រីបតូ ដ៏ធំបំផុតមួយរបស់ពិភពលោក តំណាងឱ្យក្រុមមួយផ្សេងទៀតដែលពាក់ព័ន្ធនឹងពួក Hacker ដែលត្រូវបានសម្គាល់ដោយ រដ្ឋាភិបាលសហរដ្ឋអាមេរិកដោយឈ្មោះ TraderTraitor និង Lazarus Group ។
FBI បាននិយាយថា ពួក Hacker លួចលុយឌីជីថល ឬ cryptocurrency “តាមរយៈការផ្សព្វផ្សាយនៃកម្មវិធី ជួញដូររូបិយប័ណ្ណគ្រីបតូ ដែលត្រូវបានកែប្រែដើម្បីរួមបញ្ចូលមេរោគ ដែលជួយសម្រួលដល់ការលួច cryptocurrency” ។
នៅក្នុងការប្រកាសសេវាសាធារណៈ តាមអ៊ីនធឺណិតកាលពីល្ងាចថ្ងៃពុធ FBI បាននិយាយថា ខ្លួនជឿថាពួក Hacker ដែលគាំទ្រដោយកូរ៉េខាងជើងគឺ “ទទួលខុសត្រូវចំពោះការលួចនេះ” ។
យ៉ាងណាក៏ដោយ ប្រព័ន្ធផ្សព្វផ្សាយរដ្ឋកូរ៉េខាងជើង មិនបានទទួលស្គាល់ទាំងការលួចឬការចោទប្រកាន់របស់ FBI ទេ។ បេសកកម្មរបស់ទីក្រុងព្យុងយ៉ាងទៅកាន់ អង្គការសហប្រជាជាតិនៅទីក្រុងហ្សឺណែវ មិនបានឆ្លើយតបភ្លាមៗចំពោះសំណើសុំ ការអត្ថាធិប្បាយពីសារព័ត៌មាន Associated Press នោះទេ៕
ប្រែសម្រួលៈ ណៃ តុលា
