បរទេស៖យោងតាមការចេញផ្សាយ របស់ RT ប្រធានាធិបតីរុស្ស៊ី លោក Vladimir Putin បាននិយាយថា ទំនាក់ទំនងជាថ្មី រវាងទីក្រុងមូស្គូ និងរដ្ឋបាល របស់ប្រធានាធិបតី អាមេរិក លោក Donald Trump គឺកំពុងបានជំរុញ ឱ្យមានក្តីសង្ឃឹម ថាទំនាក់ទំនងរវាងប្រទេសទាំងពីរ អាចឈានទៅមុ ខក្នុងទិសដៅវិជ្ជមាន។
ការប្រាស្រ័យទាក់ទងគ្នារវាងរុស្ស៊ី និងអាមេរិក បានបែកបាក់យ៉ាងខ្លាំងក្លា ក្រោមការដឹកនាំ របស់អតីតប្រធានាធិបតីអាមេរិក Joe Biden ។
លោក Trump បានព្យាយាមពិនិត្យឡើងវិញ នូវវិធីសាស្រ្តរបស់ទីក្រុងវ៉ាស៊ីនតោន ចំពោះគោលនយោបាយការបរទេស ហើយបានធ្វើការសន្ទនាតាមទូរស័ព្ទយ៉ាង ទូលំទូលាយជាមួយលោកPutin ឡើងវិញនៅថ្ងៃទី១២ខែកុម្ភៈ។
បន្ទាប់ពីនោះ គណៈប្រតិភូរុស្ស៊ី និងសហរដ្ឋអាមេរិក បានបើកកិច្ចប្រជុំកម្រិត ខ្ពស់នៅទីក្រុងរីយ៉ាដ ប្រទេសអារ៉ាប៊ីសាអូឌីត ដើម្បីពិភាក្សាអំពីការបង្កើតការសន្ទនាឡើងវិញ។
ថ្លែងនៅក្នុងកិច្ចប្រជុំ នៃក្រុមប្រឹក្សានៃទីភ្នាក់ងារសន្តិសុខ សហព័ន្ធរុស្ស៊ី កាលពីថ្ងៃព្រហស្បតិ៍ លោកPutinបាននិយាយថា ទំនាក់ទំនងដំបូងជាមួយរដ្ឋបាល អាមេរិកថ្មីជំរុញឱ្យមានក្តីសង្ឃឹម ជាក់លាក់មួយរវាងភាគីទាំងពីរ ។
ភាគីអាមេរិកបានបង្ហាញ ពីការប្តេជ្ញាចិត្តទៅវិញ ទៅមកដើម្បីធ្វើការ លើការស្តារ ទំនាក់ទំនងអន្តររដ្ឋឡើងវិញ លើការដោះស្រាយជាបណ្តើរៗ នូវបរិមាណដ៏ធំ នៃបញ្ហាជាប្រព័ន្ធ និងជាយុទ្ធសាស្ត្រ ក្នុងស្ថាបត្យកម្មពិភពលោក ដោយក្នុងនោះ លោក Putinបានកត់សម្គាល់ថា បញ្ហាទាំងនេះដែលបានប្រមូលផ្តុំ ក្នុងប៉ុន្មានឆ្នាំចុងក្រោយនេះ ទីបំផុតបានបង្កជម្លោះអ៊ុយក្រែន និងវិបត្តិក្នុងតំបន់ផ្សេងទៀត ៕
ប្រែសម្រួល៖ស៊ុនលី
