បរទេស៖ ប្រធានាធិបតីអាមេរិកលោក ដូណាល់ ត្រាំ បានរំលឹកឡើងវិញនូវមហិច្ឆតា របស់លោកក្នុងការកាន់កាប់ទឹកដី ស្វ័យភាពរបស់ប្រទេសដាណឺម៉ាកគឺ Greenland ដោយលោកបានគូសបញ្ជាក់ ពីបញ្ហានេះក្នុងអំឡុង ពេលសុន្ទរកថា សំខាន់មួយកាលពីថ្ងៃអង្គារ។
យោងតាមសារព័ត៌មាន RT ចេញផ្សាយនៅថ្ងៃទី៥ ខែមីនា ឆ្នាំ២០២៥ បានឱ្យដឹងថា រដ្ឋាភិបាលទីក្រុង Copenhagen (ដាណឺម៉ាក) ពីមុនបានច្រានចោលសំណើរបស់ រដ្ឋបាល លោក ត្រាំ ក្នុងការទិញកោះនេះហើយ បានច្រានចោលការ ទាមទារពីការគាំទ្រសាធារណៈក្នុងតំបន់សម្រាប់ ការផ្លាស់ប្តូរបែបនេះ។
នៅក្នុងសុន្ទរកថាទៅកាន់សម័យប្រជុំរួមនៃសភាអាមេរិកកាលពីថ្ងៃអង្គារ លោក ដូណាល់ ត្រាំ បានអះអាងថា សហរដ្ឋអាមេរិកត្រូវការ Greenland សម្រាប់ ផ្នែកសន្តិសុខជាតិ និងអន្តរជាតិ ហើយបានសម្តែងការគាំទ្រ យ៉ាងខ្លាំងចំពោះសិទ្ធិសម្រេចដោយខ្លួនឯង របស់ប្រជាជនកោះនេះ។
លោក ត្រាំ បានប្រកាសថា “ខ្ញុំគិតថាយើងនឹងទទួលបាន តាមវិធីមួយ ឬមធ្យោបាយផ្សេងទៀត យើងនឹងទទួលវា” ។ លោកបាននិយាយថា សហរដ្ឋអាមេរិកអាចផ្តល់នូវសុវត្ថិភាព និងវិបុលភាពសម្រាប់អ្នករស់នៅ Greenland ដោយសន្យាថានឹងលើកកំពស់ជីវិតនៅលើកោះនេះ “ដល់កម្ពស់ដូចដែលអ្នកមិនធ្លាប់គិតពីមុនមក”។
មានទីតាំងជាយុទ្ធសាស្ត្រនៅជិត តំបន់អាកទិក Greenland ផ្តល់សិទ្ធិឱ្យ សមាជិកណាតូ ដាណឺម៉ាក ទាមទារធនធានធម្មជាតិ របស់ខ្លួនក្រោមច្បាប់អន្តរជាតិ។ សហរដ្ឋអាមេរិករក្សាមូលដ្ឋានទ័ពនៅលើកោះ ដែលជាវត្តមានតាំងពីសង្គ្រាមលោកលើកទី២។ ខណៈដែលលទ្ធភាពរបស់អាមេរិកក្នុងការប្រើកម្លាំងដើម្បីបញ្ចូលតំបន់ Greenland ត្រូវបានគេចាត់ទុកថាមានកម្រិតទាប ប៉ុន្តែយ៉ាងណាក៏ដោយ លោក ត្រាំ មិនបានច្រានចោលលទ្ធភាពនេះ នោះទេ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
