បរទេស៖ យោងតាមការចេញផ្សាយរបស់ RT រដ្ឋាភិបាលទីក្រុងញូវដែលីបានចុះហត្ថលេខាលើកិច្ចសន្យាតម្លៃ ២៤៨ លានដុល្លារកាលពីថ្ងៃសុក្រជាមួយនឹងក្រុមហ៊ុន Rosoboronexport ដែលជាទីភ្នាក់ងាររដ្ឋរុស្ស៊ីសម្រាប់ការនាំចេញការពារជាតិ ដើម្បីទិញម៉ាស៊ីនសម្រាប់រថក្រោះ T-72 សម្រាប់ផ្គត់ផ្គង់កងទ័ពឥណ្ឌា។
កិច្ចព្រមព្រៀងនេះរួមបញ្ចូលទាំងការផ្ទេរបច្ចេកវិទ្យាដើម្បីជួយដល់ផលិតកម្មក្នុងស្រុកក្រោមគំនិតផ្តួចផ្តើម Make in India របស់ទីក្រុងញូវដែលី ដែលមានគោលបំណងបង្កើនការពឹងផ្អែកដោយខ្លួនឯងលើការផលិតផ្នែកការពារក្នុងស្រុក។
ក្រសួងការពារជាតិឥណ្ឌាបាននិយាយនៅក្នុងសេចក្តីថ្លែងការណ៍មួយថា កិច្ចព្រមព្រៀងនេះរួមបញ្ចូលទាំងការទិញម៉ាស៊ីនកម្លាំង ១,០០០សេះ សម្រាប់រថក្រោះ T-72 នេះផង ។
ដោយក្នុងនោះក៏បានកត់សម្គាល់ថាកិច្ចព្រមព្រៀងនេះរួមបញ្ចូលទាំងការផ្ទេរបច្ចេកវិទ្យាពី Rosoboronexport ទៅកាន់ក្រុមហ៊ុន Armored Vehicles Nigam Limited របស់ឥណ្ឌានៅទីក្រុង Avadi ទីក្រុង Chennai ដែលមានគោលបំណងជួយសម្រួលដល់ការធ្វើសមាហរណកម្ម និងការផលិតម៉ាស៊ីនដែលមានអាជ្ញាប័ណ្ណក្នុងស្រុក ស្របតាមគំនិតផ្តួចផ្តើម ‘Make in India’ផង ។
គួរឲ្យដឹងដែរថា T-72 ជាកងនាវាពាសដែករបស់កងទ័ពឥណ្ឌាជាយូរមកហើយ ដែលបច្ចុប្បន្នបំពាក់ដោយម៉ាស៊ីនកម្លាំង ៧៨០សេះ ហើយតាមសេចក្តីថ្លែងការណ៍បាននិយាយថា ការធ្វើឱ្យប្រសើរឡើងនូវរថក្រោះជាមួយនឹងម៉ាស៊ីន ១,០០០សេះនេះ ត្រូវបានគេរំពឹងថានឹងពង្រឹងការចល័តសមរភូមិ និងសមត្ថភាពវាយលុករបស់ពួកគេ ដោយផ្តល់នូវការជំរុញដល់ប្រសិទ្ធភាពប្រតិបត្តិការរបស់កងទ័ព៕
ប្រែសម្រួល៖ ស៊ុនលី
