អតីតនាយករដ្ឋមន្ត្រីអង់គ្លេស ៖ នឹងមិនមានអង្គភាពយោធាណាអាចមកជំនួសសមត្ថភាពរបស់ណាតូបានទេ

បរទេស៖ យោងតាមការចេញផ្សាយរបស់ RT អតីតនាយករដ្ឋមន្ត្រីអង់គ្លេសលោក Boris Johnson បាននិយាយថា ប្រជាជនអឺរ៉ុបមិនគួរត្រូវបាន បំភាន់ថាមាន សសរការពារណាផ្សេងអាចមក ជំនួសសម្រាប់អង្គការណាតូនោះទេ។

នៅក្នុងអត្ថបទមួយនៅក្នុងកាសែត Daily Mail កាលពីថ្ងៃសុក្រ លោកបានអះអាងថា បណ្តាប្រទេសនៅអឺរ៉ុបគួរតែបែងចែកថវិកាបន្ថែមទៀតសម្រាប់វិស័យការពារជាតិ។

សារព័ត៌មាន The Atlantic បានរាយការណ៍នៅសប្តាហ៍នេះ ដោយលើកឡើងពីការសន្ទនានៅក្នុងកម្មវិធីផ្ញើសារបែកធ្លាយបញ្ជាក់ថា អនុប្រធានាធិបតីអាមេរិក J.D. Vance បាននិយាយថាគាត់ពិតជាខឹងខ្លាំងណាស់ប្រសិនបើមានការធានាដល់អឺរ៉ុបម្តងទៀត ដោយចាប់ផ្តើមសកម្មភាពយោធាប្រឆាំងនឹងពួកឧទ្ទាម Houthi ដែលជារូបភាពដើម្បីការពារពាណិជ្ជកម្មអឺរ៉ុប។

គួរឲ្យដឹងដែរថារដ្ឋមន្ត្រីក្រសួងការពារជាតិអាមេរិក លោក Pete Hegseth តាមសេចក្តីរាយការណ៍ ក៏បានថ្កោលទោស របៀបនៃការការផ្ទុកទំនិញរបស់អឺរ៉ុបដ៏សេរីនោះថាគឺជាការគួរឱ្យសោកស្តាយ ។

នៅក្នុងការលើកឡើងរបស់គាត់ដដែល លោក Johnson ក៏បានចង្អុលបង្ហាញថា ថវិកាការពារជាតិរបស់សហរដ្ឋអាមេរិក គឺជាការបញ្ចប់ដ៏ក្រាស់នៃ តម្លៃទ្រីលានដុល្លារក្នុងមួយឆ្នាំ ដែលច្រើនជាង ១២ ដងនៃថវិកាការពារជាតិរបស់ចក្រភពអង់គ្លេស ទោះបីជាចំនួនប្រជាជនអាមេរិកមានចំនួនត្រឹមតែ ៥ដងធំជាងប្រជាជនយើងក៏ដោយ។

លើសពីនោះលោកបានបន្ថែមថា សហរដ្ឋអាមេរិកបែងចែកប្រហែល ៣,៥ភាគរយនៃផលិតផលក្នុងស្រុកសរុបរបស់ខ្លួនសម្រាប់វិស័យការពារជាតិ ខណៈពេលដែលចក្រភពអង់គ្លេសចំណាយប្រហែល ២,៣ភាគរយប៉ុណ្ណោះ៕

ប្រែសម្រួល៖ ស៊ុនលី