ព័ត៌មានអន្តរជាតិ

វៀតណាម បញ្ជួនទាហាន ប៉ូលីស ជាង ១០០នាក់ និងសត្វសុនខ ទៅប្រទេសមីយ៉ាន់ម៉ា ដើម្បីចូលរួមក្នុងកិច្ចខិតខំប្រឹងប្រែងសង្គ្រោះ ក្រោយគ្រោះរញ្ជួយដី

VN Express

បរទេស៖ នៅថ្ងៃទី៣០ ខែមីនា ទាហាន ប៉ូលីស ជាង ១០០នាក់ និងសត្វសុនខ ផងដែរ ទៅប្រទេសមីយ៉ាន់ម៉ា ដើម្បីចូលរួមក្នុងកិច្ចខិតខំប្រឹងប្រែងសង្គ្រោះ ក្រោយគ្រោះរញ្ជួយដី។

យោងតាមសារព័ត៌មាន VN EXPRESS ចេញផ្សាយកាលពីថ្ងៃទី២៩ ខែមីនា ឆ្នាំ២០២៥ បានឱ្យដឹងថា ឧត្តមសេនីយទោ Pham Van Ty អនុប្រធាននាយកដ្ឋានជួយសង្គ្រោះ និងសង្គ្រោះ អគ្គសេនាធិការ របស់បហរទេស វៀតណាម បាននិយាយថា លោកត្រូវបានចាត់តាំងឱ្យដឹកនាំក្រុមការងារនៅក្នុងប្រទេសមីយ៉ាន់ម៉ា។

ចនាសម្ព័ននៃគណៈប្រតិភូគឺស្រដៀងគ្នាទៅនឹងបេសកកម្មសង្គ្រោះគ្រោះមហន្តរាយនៅក្នុងប្រទេសតួកគី រួមទាំងអង្គភាពបញ្ជាការមួយ ព័ត៌មាននិងការផ្សព្វផ្សាយ; កងកម្លាំងជួយសង្គ្រោះមកពីបញ្ជាការវិស្វកម្ម និងគ្រូបង្វឹក សុនខមកពីបញ្ជាការដ្ឋានការពារព្រំដែន និងឱសថយោធា។

ក្រសួងការពារជាតិបានធ្វើសន្និសីទស្តីពីការបញ្ជូនកងកម្លាំងទៅចូលរួមជួយសង្គ្រោះគ្រោះរញ្ជួយដីនៅប្រទេសមីយ៉ាន់ម៉ា។ អគ្គនាយកដ្ឋាន​ភស្តុភារ និង​វិស្វកម្ម បាន​សម្របសម្រួល​ជាមួយ​នាយកដ្ឋាន​យោធា ដើម្បី​រៀបចំ​កម្លាំង និង​យានយន្ត​ត្រៀម​ចល័ត​ដើម្បី​បំពេញ​បេសកកម្ម។ ជាពិសេស អង្គភាពបានយកចិត្តទុកដាក់លើការធានានូវភស្តុភារ និងបច្ចេកវិទ្យាសម្រាប់កងកម្លាំងដែលកំពុងបំពេញបេសកកម្មស្វែងរក និងជួយសង្គ្រោះ និងធានានូវការសង្គ្រោះសម្រាប់ប្រទេសជិតខាង។

សូមជម្រាបថា គ្រោះរញ្ជួយដីកម្រិត ៧.៧ រ៉ិចទ័រ នៅភាគកណ្តាលប្រទេសមីយ៉ាន់ម៉ា កាលពីថ្ងៃទី ២៨ ខែមីនា បានបង្កឱ្យមានការរញ្ជួយដីយ៉ាងតិច ១០ ដងក្នុងកម្រិតពី ២,៨ ដល់ ៧,៥ រ៉ិចទ័រ។ មនុស្សជាង ១៦០០ នាក់បានស្លាប់ និងរាប់រយនាក់កំពុងបាត់ខ្លួន។ ប្រទេសវៀតណាម ដែលមានចម្ងាយរាប់ពាន់គីឡូម៉ែត្រពីចំណុចកណ្តាល ក៏បានកត់ត្រាការរញ្ជួយផងដែរ៕

ប្រែប្រួលៈ ណៃ តុលា

To Top