តូក្យូ៖ អ្នកវិភាគបានព្រមានថា ពន្ធខ្ពស់របស់ប្រធានាធិបតីអាមេរិក លោក ដូណាល់ ត្រាំ រួមទាំងការនាំចូលរថយន្តទាំងអស់ ត្រូវបានកំណត់ថានឹងធ្វើឱ្យការនាំចេញរបស់ជប៉ុន មានការយឺតយ៉ាវដល់ការពង្រីក សេដ្ឋកិច្ចប្រចាំឆ្នាំរហូតដល់ប្រហែល ២ ភាគរយនៅក្នុងប៉ុន្មានឆ្នាំខាងមុខនេះ។
ក្តីបារម្ភកំពុងកើនឡើងថាសេដ្ឋកិច្ចធំទីពីររបស់អាស៊ី ដែលបានធ្លាក់ចុះរួចទៅហើយដោយសារតែ អតិផរណាខ្លាំងអាចធ្លាក់ចូលទៅក្នុងវិបត្តិសេដ្ឋកិច្ច ប្រសិនបើការធ្លាក់ចុះនៃការនាំចេញ ដែលបណ្តាលមកពីការដំឡើងពន្ធរបស់ សហរដ្ឋអាមេរិកមានទម្ងន់លើការអនុវត្តសាជីវកម្ម និងរារាំងកំណើនប្រាក់ឈ្នួល។
លោក Takahide Kiuchi សេដ្ឋវិទូប្រតិបត្តិនៅវិទ្យាស្ថានស្រាវជ្រាវ Nomura ប៉ាន់ប្រមាណថាពន្ធគយរបស់សហរដ្ឋអាមេរិក អាចជំរុញឱ្យផលិតផលក្នុងស្រុកសរុប របស់ប្រទេសជប៉ុនធ្លាក់ចុះជាង ០,៧ភាគរយក្នុងរយៈពេលប្រហែលមួយឆ្នាំ ដោយជំរុញឱ្យមានការប្រុងប្រយ័ត្នប្រឆាំងនឹង ការធ្លាក់ចុះសេដ្ឋកិច្ចដែលអាចកើតមាន។
វិទ្យាស្ថានស្រាវជ្រាវ Daiwa បានឲ្យដឹងកាលពីថ្ងៃព្រហស្បតិ៍ថា ពន្ធគយទៅវិញទៅមក ដែលប្រកាសដោយសហរដ្ឋអាមេរិកត្រូវបានគេព្យាករណ៍ថា នឹងអូសទាញផលិតផលក្នុងស្រុកសរុប ដែលបានកែសម្រួលដោយអតិផរណា របស់ប្រទេសជប៉ុនប្រហែល ១.៨ ភាគរយនៅឆ្នាំ២០២៩ ដែលជាឆ្នាំដែលលោក ត្រាំ គ្រោងនឹងចាកចេញពីសេតវិមាន។
លោក ត្រាំ ដែលបានចាប់ផ្តើមអាណត្តិទីពីរ មិនជាប់គ្នារបស់គាត់កាលពីថ្ងៃទី២០ ខែមករា បានដាក់ពន្ធ ២៥ភាគរយលើការនាំចូលដែកថែប និងអាលុយមីញ៉ូមទាំងអស់នៅក្នុងខែមីនា ហើយបានចាប់ផ្តើមអនុវត្តការយកពន្ធបន្ថែម ២៥ភាគរយ លើរថយន្តទាំងអស់ដែលផលិត នៅក្រៅសហរដ្ឋអាមេរិក ៕
ប្រែសម្រួល ឈូក បូរ៉ា
