ព័ត៌មានអន្តរជាតិ

ប្រេស៊ីល ប្តេជ្ញាថានឹងចាត់វិធានការ សមស្របទាំងអស់ប្រឆាំងនឹង ពន្ធគយរបស់អាមេរិក

Xinhua

ប្រេស៊ីល៖ ប្រធានាធិបតីប្រេស៊ីល លោក Luiz Inacio Lula da Silva បានសន្យាថា នឹងចាត់វិធានការសមស្របទាំងអស់ ដើម្បីការពារក្រុមហ៊ុន និងកម្មករប្រេស៊ីលពីគោលនយោបាយពន្ធថ្មីរបស់សហរដ្ឋអាមេរិក។

លោក Lula da Silva បានឲ្យដឹងនៅក្នុងព្រឹត្តិការណ៍មួយនៅឯវិមាន Planalto Palace ថា “យើងតស៊ូមតិពហុភាគីនិយម និងពាណិជ្ជកម្មសេរី ហើយនឹងឆ្លើយតបទៅនឹងការប៉ុនប៉ងណាមួយដើម្បីដាក់ការការពារនិយម ដែលលែងមាននៅក្នុងពិភពលោកបច្ចុប្បន្ន” ។

លោកបានលើកឡើងថា “ដោយសារការសម្រេចចិត្តរបស់សហរដ្ឋអាមេរិក ក្នុងការដាក់ពន្ធបន្ថែមលើផលិតផលប្រេស៊ីល យើងនឹងចាត់វិធានការ សមស្របទាំងអស់ដើម្បីការពារក្រុមហ៊ុន និងកម្មករប្រេស៊ីលរបស់យើង ដោយយកជាឯកសារយោងច្បាប់ស្តីពីបដិវត្តន៍សេដ្ឋកិច្ច ដែលបានអនុម័តកាលពីម្សិលមិញដោយសភា និងគោលការណ៍ណែនាំរបស់អង្គការពាណិជ្ជកម្មពិភពលោក” ។

គួរបញ្ជាក់ថា សភារបស់ប្រទេសប្រេស៊ីល បានអនុម័តច្បាប់ពន្ធទៅវិញទៅមកកាលពីថ្ងៃពុធ ភ្លាមៗបន្ទាប់ពីប្រធានាធិបតីអាមេរិកលោក ដូណាល់ ត្រាំ បានប្រកាសដំឡើងពន្ធ ១០ភាគរយលើការនាំចូលពីប្រទេសអាមេរិកឡាទីន៕

ប្រែសម្រួល ឈូក បូរ៉ា

To Top