ព័ត៌មានអន្តរជាតិ

ប្រេសិតពិសេសលោក Putin អះអាងថាដំណើរប្រព្រឹត្តទៅយ់ាងរលូនចំពោះ បទឈប់បាញ់គ្នានៅអ៊ុយក្រែន

បរទេស៖ យោងតាមការចេញផ្សាយរបស់ RT លោក Kirill Dmitirev បេសកជនវិនិយោគរបស់ប្រធានាធិបតីរុស្ស៊ី លោក Vladimir Putin បាននិយាយក្នុងអំឡុងដំណើរទស្សនកិច្ចរបស់លោកទៅកាន់សហរដ្ឋអាមេរិកថា បទឈប់បាញ់លើទីតាំងថាមពលដែលមានឈ្មួញកណ្តាលដោយសហរដ្ឋអាមេរិកគឺជាជំហានដ៏សំខាន់មួយឆ្ពោះទៅរកការបញ្ចប់ជម្លោះអ៊ុយក្រែន។

លោក Dmitriev ដែលជាប្រធានមូលនិធិវិនិយោគផ្ទាល់របស់រុស្ស៊ីបានធ្វើដំណើរទៅកាន់ទីក្រុងវ៉ាស៊ីនតោនក្នុងសប្តាហ៍នេះដើម្បីពិភាក្សាអំពីជំហានបន្ថែមទៀតក្នុងការធ្វើឱ្យទំនាក់ទំនងទ្វេភាគីមានលក្ខណៈធម្មតាឡើងវិញដែលកន្លងមកត្រូវបានផ្អាកទាំងស្រុងនៅឆ្នាំ២០២២។

លោក Dmitriev បានប្រាប់អ្នកយកព័ត៌មានកាលពីល្ងាចថ្ងៃព្រហស្បតិ៍ថា ៖យើងកំពុងកត់សម្គាល់ពីភាពវិជ្ជមាននៅក្នុងទំនាក់ទំនងរបស់យើងឡើងវិញហើយលោក​បាន​បន្ថែម​ថា៖ការ​រីក​ចម្រើន​ដ៏​សំខាន់​ត្រូវ​បាន​ធ្វើ​រួច​ហើយនិងកំពុង ឆ្ពោះ​ទៅ​រក​ការ​ឈាន​ដល់​បទ​ឈប់​បាញ់​រុស្ស៊ី-អ៊ុយក្រែន។

គួរឲ្យដឹងដែរថាបន្ទាប់ពីការហៅទូរស័ព្ទជាមួយលោក Trump កាលពីថ្ងៃទី១៨ខែមីនា លោក Putin បាននិយាយថា លោកបានណែនាំកងទ័ពរុស្ស៊ីឱ្យបញ្ឈប់ការវាយប្រហារលើទីតាំងថាមពលអ៊ុយក្រែនរយៈពេល៣០ថ្ងៃហើយ មេដឹកនាំអ៊ុយក្រែនលោក Vladimir Zelensky ក្រោយមកបានយល់ព្រមលើការរៀបចំនេះដូចគ្នាដែរ៕

ប្រែសម្រួល៖ ស៊ុន លី

To Top