សេអ៊ូល៖ ការិយាល័យប្រធានាធិបតីកូរ៉េខាងត្បូង បានផ្អាកគេហទំព័រផ្លូវការរបស់ខ្លួន បន្ទាប់ពីសេចក្តីសម្រេចរបស់តុលាការធម្មនុញ្ញលើការដកតំណែងអតីតប្រធានាធិបតីលោល Yoon Suk Yeol ចេញពីតំណែង។
គេហទំព័រនេះបានឲ្យដឹងថាសេវានេះគឺ “មិនមានជាបណ្តោះអាសន្ន” ដោយសារតែវា “កំពុងស្ថិតក្រោមការថែទាំ” សូមអភ័យទោសដល់សាធារណជន ចំពោះការបង្ករភាពអាក់រអួល នេះបើយោងតាមការចុះផ្សាយរបស់ទីភ្នាក់ងារសារព័ត៌មានយុនហាប់។
ការជូនដំណឹងនេះហាក់ដូចជាជំហានមួយដែលបានធ្វើឡើងបន្ទាប់ពីការសម្រេចចិត្តរបស់តុលាការកាលពីថ្ងៃសុក្រដើម្បីរក្សាការចោទប្រកាន់របស់លោក Yoon និងបណ្តេញលោកចេញពីតំណែងជាប្រធានាធិបតីជុំវិញការប្រកាសច្បាប់អាជ្ញាសឹករបស់លោកកាលពីខែធ្នូឆ្នាំមុន។
នៅថ្ងៃដដែល ការិយាល័យប្រធានាធិបតីនៅ Yongsan បានបន្ទាបទង់ជាតិដែលមាននិមិត្តសញ្ញាប្រធានាធិបតីជាផ្លូវការនៅពីមុខអគារ ខណៈដែលក្រសួងក៏បានដកចេញរូបថតរបស់លោក Yoon ផងដែរ។
អតីតការិយាល័យប្រធានាធិបតីលោក Cheong Wa Dae ក៏បានឈប់ដំណើរការគេហទំព័ររបស់ខ្លួនក្នុងឆ្នាំ២០១៧ នៅពេលដែលប្រធានាធិបតីលោកស្រី Park Geun-hye ត្រូវបានដកហូតពីតួនាទីរបស់លោកស្រី ដោយតុលាការកំពូលជុំវិញរឿងអាស្រូវឥទ្ធិពលដ៏ធំធេង ដែលពាក់ព័ន្ធនឹងជំនួយការជិតស្និទ្ធរបស់លោកស្រី។
ទន្ទឹមនឹងនេះ បណ្តាញទំនាក់ទំនងសង្គមផ្សេងទៀតរួមមាន Facebook, Instagram និង YouTube នៅតែមានលោក Yoon ជាប្រធានាធិបតីដដែល៕
ប្រែសម្រួល ឈូក បូរ៉ា
