គូឡាឡាំពួរ៖ សមាជិកនៃសមាគម ប្រជាជាតិអាស៊ីអាគ្នេយ៍ (អាស៊ាន) ត្រូវការប្រើប្រាស់អំណាចសេដ្ឋកិច្ចរួមរបស់ពួកគេ ដើម្បីឆ្លើយតបប្រកបដោយប្រសិទ្ធភាព ចំពោះការរំខានផ្នែកពាណិជ្ជកម្ម ដែលផ្តួចផ្តើមដោយសហរដ្ឋអាមេរិក បន្ទាប់ពីពន្ធមួយចំនួន ដែលបានដាក់បន្ទុកលើ សេដ្ឋកិច្ចភាគច្រើននៅទូទាំងពិភពលោក នេះបើយោងតាមប្រធាន ក្រុមធុរកិច្ចម៉ាឡេស៊ី។
ពន្ធគយទាំងនេះទំនងជាប៉ះពាល់យ៉ាងខ្លាំង ដល់ការនាំចេញរបស់ម៉ាឡេស៊ី ជាពិសេសផ្នែកអគ្គិសនី និងអេឡិចត្រូនិច ដេរីវេនៃប្រេងដូង ផលិតផល ដែលមានមូលដ្ឋានលើកៅស៊ូ និងវាយនភណ្ឌ និងកាត់ដេរ ព្រោះថាទាំងនេះគឺជា អ្នករួមចំណែកដ៏សំខាន់ក្នុងពាណិជ្ជកម្មម៉ាឡេស៊ី ជាមួយសហរដ្ឋអាមេរិក សមាគមសហគ្រាសធុនតូច និងមធ្យម របស់ម៉ាឡេស៊ី ប្រធានសមាគមសហគ្រាសធុនតូច និងមធ្យមនៃម៉ាឡេស៊ី បានប្រាប់ស៊ីនហួនាពេលថ្មីៗនេះ។
លោកបានលើកឡើងថា “ពន្ធខ្ពស់នឹងនាំឱ្យមានការកើនឡើង នូវការចំណាយទាំងអ្នកនាំចូល និងអ្នកនាំចេញ កាត់បន្ថយការប្រកួតប្រជែង របស់យើងមិនត្រឹមតែនៅក្នុង ទីផ្សារសហរដ្ឋអាមេរិកប៉ុណ្ណោះទេ ប៉ុន្តែនៅក្នុងទីផ្សារផ្សេងទៀត ផងដែរ និងអាចប៉ះពាល់ដល់ការងារ និងការវិនិយោគក្នុងចំណោមសហគ្រាសធុនតូច និងមធ្យម”។
លោកបានពន្យល់ថា “យើងអាចរំពឹងថា នឹងមានភាពមិនច្បាស់លាស់ ក្នុងរយៈពេលខ្លីមួយ ដោយសារសេដ្ឋកិច្ច នៅទូទាំងតំបន់ និងសេដ្ឋកិច្ចដែលរងផលប៉ះពាល់ផ្សេងទៀត បានកែសម្រួលយុទ្ធសាស្រ្ត របស់ពួកគេដើម្បីទប់ទល់ ឬកាត់បន្ថយពន្ធស៊េរីទាំងនេះ” នេះបើយោងតាមការចុះផ្សាយ របស់ទីភ្នាក់ងារ សារព័ត៌មានចិនស៊ិនហួ។
ដោយហៅការយកពន្ធនេះថាជា “ការដាស់តឿន” សម្រាប់រដ្ឋសមាជិកអាស៊ាន លោកបានលើកឡើងថា ប្រទេសម៉ាឡេស៊ី ក្នុងនាមជាប្រធានអាស៊ានបច្ចុប្បន្នគួរតែជំរុញឱ្យចាប់ផ្តើមកិច្ចចរចាឡើងវិញលើការបង្កើតទីផ្សារអាស៊ានតែមួយ អនុញ្ញាតឱ្យមានទម្រង់ នៃសហជីពគយ និងកាត់បន្ថយរបាំងមិនមែនពន្ធបន្ថែមទៀត។ លោក ថា “ការរួបរួមក្នុងតំបន់នេះ មានសារៈសំខាន់ណាស់ ដោយសារទំហំតូចនៃទីផ្សារបុគ្គល ។ សរុបមក អាស៊ានកំពុងស្ថិតនៅលើផ្លូវ ដើម្បីក្លាយជាប្រទេស ដែលមានសេដ្ឋកិច្ចធំជាងគេទីបួននៅលើពិភពលោកនៅឆ្នាំ ២០៣០”។
លោកក៏បានជំរុញ ឱ្យសហគ្រាសធុនតូច និងមធ្យមធ្វើការសម្របខ្លួន ដើម្បីប្រឈមមុខនឹងបញ្ហាប្រឈមថ្មី និងទាញយកអត្ថប្រយោជន៍ ពីឱកាសដែលជៀសមិនរួចពីការរំខានបែបនេះ ដោយកត់សម្គាល់ថា ជាមួយនឹងយុទ្ធសាស្រ្តត្រឹមត្រូវ អាជីវកម្ម អាចសម្របខ្លួន និងថែមទាំង ទទួលបានអត្ថប្រយោជន៍ ពីការផ្លាស់ប្តូរនៃសក្ដានុពល ពាណិជ្ជកម្មពិភពលោកនេះ។
លោកបានលើកឡើងថា “យើងជំរុញឱ្យរដ្ឋាភិបាល និងសហគ្រាសធុនតូច និងមធ្យមចាត់វិធានការកាត់បន្ថយហានិភ័យ និងចាប់យកឱកាសថ្មីៗ ។ អាជីវកម្មត្រូវតែរៀន ធ្វើពិពិធកម្មទាំងប្រភពវត្ថុធាតុដើម និងអតិថិជន ពោលគឺធ្វើឱ្យប្រាកដថា ហានិភ័យនៃសង្វាក់ផ្គត់ផ្គង់ របស់ពួកគេត្រូវបានកាត់បន្ថយ។ នេះជាការអនុវត្តល្អ ដោយមិនគិតពីផលប៉ះពាល់ នៃជុំពន្ធនេះទេ”។
លោកបានបន្ថែមថា “នៅកម្រិតអាស៊ាន ភាពបន្ទាន់ ក្នុងការកាត់បន្ថយរបាំង មិនមែនពន្ធគឺធំជាងពេលណាៗទាំងអស់។ ការពិភាក្សាលើការបង្កើតទីផ្សារ អាស៊ានតែមួយត្រូវតែ បើកឡើងវិញភ្លាមៗ ដោយមានគោលបំណង បង្កើតឱ្យមានរូបរាង ស្រដៀងទៅនឹងសហភាពគយ ដែលអាចផ្តល់អត្ថប្រយោជន៍ ដល់យើងទាំងជាប្លុកនាំចេញ និងជាទីផ្សារក្នុងតំបន់ធំ” ៕
ប្រែសម្រួល ឈូក បូរ៉ា
