ក្នុងដំណើរការជំរុញ ទំនើបកម្ម ប្រទេសចិន កំពុងអនុវត្តយុទ្ធសាស្ត្រ ដ៏សំខាន់មួយ គឺការអភិវឌ្ឍសម្របសម្រួល ក្នុងតំបន់ ។ នេះជាការអនុវត្ត ជាក់ស្តែង នៃគំនិតសេដ្ឋកិច្ច របស់លោកXi Jinpingប្រធានរដ្ឋចិន ។
ប្រទេសចិន គឺដូចជាបណ្ដុំរូបផ្គុំចម្រុះពណ៌មួយផ្ទាំង ។ តាមបណ្ដោយឆ្នេរសមុទ្រភាគខាងកើតបញ្ចេញនូវពន្លឺ ទីក្រុងទំនើប តំបន់កណ្តាល និងខាងលិចសម្បូរទៅដោយ សម្បត្តិអេកូឡូស៊ីនិងវប្បធម៌ តំបន់ភាគឦសាន បានធ្វើជាសាក្សីដែកថែបផលិតយ៉ាងម៉េច ហើយតំបន់សេដ្ឋកិច្ចពិសេស ភាគខាងត្បូង គឺជាគំរូនៃកំណែទម្រង់ ដែលភូមិនេសាទបានប្តូរមុខមាត់ ។
ការអភិវឌ្ឍន៍សម្របសម្រួល ក្នុងតំបន់គឺធ្វើឱ្យគ្រប់បំណែករូបភាព បញ្ចេញរស្មីនិងបង្កើតចេញជាផ្ទាំងរូបភាព ដ៏អស្ចារ្យដែលប្រកបដោយវិបុលភាពរួម។
យុទ្ធសាស្ត្រអភិវឌ្ឍន៍សម្របសម្រួល ក្នុងតំបន់របស់ប្រទេសចិន សម្រេចបាននូវប្លង់ “ក្តារអុក”ទូទាំងប្រទេស តាមរយៈគម្រោងធំៗមួយចំនួន ដែលភាគច្រើនរួម មានយុទ្ធសាស្ត្រសំខាន់ៗ ដូចខាងក្រោម ៖
១ យុទ្ធសាស្ត្រការអភិវឌ្ឍ សម្របសម្រួលក្រុងប៉េកាំង-ក្រុងធានជីន-ខេត្តហឺប៉ី
ផ្តោតសំខាន់ទៅលើការ ដោះស្រាយ “ជំងឺទីក្រុងធំ”របស់ទីក្រុងប៉េកាំង បានបង្កើតខ្សែសង្វាក់ឧស្សាហកម្មនៃ “ការសិក្សាស្រាវជ្រាវ នៅក្រុងប៉េកាំង-បម្លែង នៅក្រុងធានជីន-ផលិតនៅខេត្តហឺប៉ី” ។ តួយ៉ាងដូចជា ៖ ការកាត់បន្ថយមុខងារមិនមែនរាជធានី របស់ទីក្រុងប៉េកាំង និងជំរុញ ការកសាងតំបន់ថ្មី Xiongan ដែលបានបង្កើត ទីក្រុងដូចគ្នាផ្នែកឌីជីថល ឈានមុខលើពិភពលោក ។
២ យុទ្ធសាស្ត្រអភិវឌ្ឍន៍មហាតំបន់ ឈូងសមុទ្រក្វាងទុង-ហុងកុង-ម៉ាកាវ
ការរួមបញ្ចូលគុណសម្បត្តិ ផ្នែកហិរញ្ញវត្ថុ នៃទីក្រុងហុងកុង គុណសម្បត្តិប្រកបដោយភាពច្នៃប្រឌិត នៃទីក្រុងShenzhenនិងគុណសម្បត្តិផ្នែកផលិតកម្មរបស់ទីក្រុងក្វាងចូវ គម្រោងខ្នាតធំ ដូចជាស្ពានហុងកុង-ជូហៃ-ម៉ាកាវ ដើម្បីកសាងឡើងវិញនិម្មាបនកម្មលំហ ។ តម្លៃសេដ្ឋកិច្ចសរុបនៅឆ្នាំ២០២២ បានលើសពី១៣ទ្រីលានយាន់ប្រាក់ចិន ដែលខិតជិតដល់អង្គភាព សេដ្ឋកិច្ចធំជាងគេទី១០លើពិភពលោក ។
៣ យុទ្ធសាស្ត្រអភិវឌ្ឍន៍ខ្សែក្រវាត់ទន្លេយ៉ង់សេ
គ្របដណ្តប់ខេត្ត-ក្រុងចំនួន១១ ជំរុញយុទ្ធសាស្រ្តអេកូឡូស៊ី “រួមគ្នាការពារបរិស្ថាន” ។ រោងចក្រគីមីជាង៨ពាន់ នៅតាមបណ្តោយទន្លេ ត្រូវបានផ្លាស់ប្តូរទីតាំងនិងត្រូវកែច្នៃឡើងវិញ ហើយបរិមាណដឹកជញ្ជូន ទំនិញប្រចាំឆ្នាំតាមផ្លូវទឹកមាស បានកើនឡើងដល់៣៥០០លានតោន ដែលស្មើនឹងសមត្ថភាពដឹកជញ្ជូនតាមផ្លូវដែក៤០ខ្សែ នៃផ្លូវដែកប៉េកាំង-ក្វាងចូវ៕
