មនុស្ស ៥៩នាក់ បានស្លាប់ក្នុងគ្រោះថ្នាក់ចរាចរណ៍រយៈពេល ២ ថ្ងៃដំបូង នៃពិធីបុណ្យសង្ក្រាន្តនៅប្រទេសថៃ

ថៃ៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា យ៉ាងហោចណាស់មនុស្ស ៥៩ នាក់បានស្លាប់ និង ៤៥៨ នាក់ផ្សេងទៀតបានរងរបួស ក្នុងគ្រោះថ្នាក់ចរាចរណ៍ក្នុងអំឡុងពេល២ ថ្ងៃដំបូងនៃពិធីបុណ្យសង្ក្រាន្ត ជាថ្ងៃឈប់សម្រាកដ៏ធំបំផុតរបស់ប្រទេសថៃ ដែលបានចាប់ផ្តើមនៅថ្ងៃទី ១១ ខែមេសា។

នេះបើយោងតាម Nation Thailand បានលើកឡើងពីមជ្ឈមណ្ឌល សុវត្ថិភាពចរាចរណ៍បានប្រាប់ថា គ្រោះថ្នាក់នៅថ្ងៃសុក្រ និងសៅរ៍ មានចំនួន ៤៦០លើក ដោយការបើកបរលើសល្បឿនកំណត់ និងស្រវឹងជាមូលហេតុចម្បង។ ជនរងគ្រោះភាគច្រើនស្ថិតក្នុងក្រុមអាយុ ២០-២៩ ឆ្នាំ។

សារព័ត៌មាន Thai PBS បានរាយការណ៍ថា ផ្លូវនានាក្នុងទីក្រុងបាងកកមានភាពទទេរ ដោយសារការធ្វើដំណើរចេញក្រៅ យ៉ាងច្រើនសម្រាប់ថ្ងៃឈប់សម្រាក រដ្ឋធានីនៅតែកត់ត្រាចំនួនអ្នកស្លាប់ ខ្ពស់បំផុតជាមួយនឹងការស្លាប់ចំនួន ៩ នាក់ក្នុងរយៈពេល២ថ្ងៃដំបូង។

សង្ក្រាន្តជាពិធីបុណ្យអុំទូកដ៏ពេញនិយម ដែលទាក់ទាញភ្ញៀវទេសចរមកពីជុំវិញពិភពលោក ជាធម្មតាមានរយៈពេលជិតមួយសប្តាហ៍។ ទោះបីជាមានការពេញនិយមក៏ដោយ សង្ក្រាន្តត្រូវបានអាជ្ញាធរចាត់ទុកថា ជាថ្ងៃគ្រោះថ្នាក់ទាំង៧ អស់រយៈពេលជាងមួយទសវត្សរ៍ ដើម្បីបង្ហាញពីហានិភ័យសុវត្ថិភាពចរាចរណ៍ កើនឡើងក្នុងអំឡុងពេលនៃការប្រារព្ធពិធី។

កាលពីឆ្នាំមុន មនុស្ស ២៨៧ នាក់បានស្លាប់ក្នុងគ្រោះថ្នាក់ចរាចរណ៍ចំនួន ២,០៤៤ ក្នុងអំឡុងពេលថ្ងៃឈប់សម្រាកពេញមួយសប្តាហ៍។ ចំនួនអ្នកស្លាប់មានចំនួន ២៦៤ នាក់ក្នុងឆ្នាំ ២០២៣៕