បរទេស៖ លោក Elon Musk និយាយថា លោកនឹងចំណាយ ពេលតិចតួចនៅវ៉ាស៊ីនតោន ដើម្បីធ្វើការទៅលើការ កាត់បន្ថយការចំណាយ របស់រដ្ឋាភិបាល និង ពេលវេលាកាន់តែច្រើន ក្នុងការដំណើរការ Tesla បន្ទាប់ពីក្រុមហ៊ុន រថយន្តអគ្គិសនីរបស់លោក បានរាយការណ៍ ពីការធ្លាក់ចុះនៃប្រាក់ចំណេញ។
យោងតាមសារព័ត៌មាន AP ចេញផ្សាយនៅថ្ងៃទី២៣ ខែមេសា ឆ្នាំ២០២៥ បានឲ្យដឹងថា លោក Elon Musk បាននិយាយនៅក្នុងសន្និសិទ មួយជាមួយអ្នកវិភាគ កាលពីថ្ងៃអង្គារថា “ឥឡូវនេះការងារសំខាន់ នៃការបង្កើត នាយកដ្ឋានប្រសិទ្ធភាពរបស់រដ្ឋាភិបាល ត្រូវបានធ្វើហើយ” ហើយថា លោកនឹង “បែងចែកពេលវេលា របស់លោកឱ្យកាន់ តែច្រើនជាមួយ Tesla” ដែលចាប់ផ្តើមនៅក្នុងខែឧសភា។ លោក Elon Musk បាននិយាយថា ឥឡូវនេះលោករំពឹងថា នឹងចំណាយពេលត្រឹមតែ “មួយថ្ងៃឬពីរថ្ងៃ ក្នុងមួយសប្តាហ៍លើ បញ្ហារបស់រដ្ឋាភិបាល” ។
ការលក់រថយន្ត Tesla បានធ្លាក់ចុះ ខណៈដែលវាប្រឈមនឹងការតវ៉ាដ៏ខឹង សម្បារចំពោះការ ដឹកនាំរបស់លោក Musk ក្នុងក្រសួងប្រសិទ្ធភាពរដ្ឋាភិបាល (DOGE) ដែលជាក្រុមកាត់បន្ថយ ការងារដែលបានបែង ចែកក្នុងប្រទេស។ ក្រុមហ៊ុន Austin រដ្ឋ Texas បានរាយការណ៍ ពីការធ្លាក់ចុះនៃប្រាក់ចំណេញ 71% និងការធ្លាក់ចុះ 9% នៃប្រាក់ចំណូល សម្រាប់ត្រីមាសទីមួយ។
លោក Dan Ives របស់ Wedbush Securities បាននិយាយថា “វិនិយោគិនចង់ឃើញ គាត់ធ្វើម្តងទៀតជាមួយ Tesla” ។ “នេះគឺជាជំហានដ៏ធំមួយក្នុង ទិសដៅត្រឹមត្រូវ ៕
ប្រែប្រួលៈ ណៃ តុលា
