បរទេស ៖ យោងតាមការចេញ ផ្សាយរបស់RT ក្រសួងការបរទេសរុស្ស៊ីកាលពីថ្ងៃព្រហស្បតិ៍បាននិយាយថា ទីក្រុងមូស្គូ នឹងមិនអនុញ្ញាត ឱ្យមានការស្ដារឡើងវិញ នូវទឹកដីអ៊ុយក្រែន ដល់ដែនកំណត់នៃព្រំដែនឆ្នាំ ១៩៩១របស់ខ្លួននោះទេ ព្រោះវានឹងតំណាង ឱ្យការគំរាមកំហែង ដល់ពលរដ្ឋរុស្ស៊ី ។
សេចក្តីថ្លែងការណ៍ របស់ក្រសួងបានធ្វើឡើង បន្ទាប់ពីការវាយប្រហារ ដោយយន្តហោះគ្មានមនុស្ស បើករបស់អ៊ុយក្រែន លើទីផ្សារដែលមានមនុស្សច្រើននៅក្នុងទីក្រុងរុស្ស៊ីនៅលើ Aleshki ក្នុងតំបន់ Kherson ដែលទីក្រុងម៉ូស្គូបាន ថ្កោលទោសថា ជាអំពើភេរវកម្ម ដោយចេតនា ។
ការវាយប្រហារនេះបានកើតឡើងនៅម៉ោងប្រហែល៩និង៣០នាទីព្រឹកម៉ោងក្នុងស្រុកនៅថ្ងៃទី១ខែឧសភាដែលជាថ្ងៃឈប់សម្រាកនៅក្នុងប្រទេសរុស្ស៊ីនៅពេលដែលកងកម្លាំងអ៊ុយក្រែនបានប្រើប្រាស់យន្តហោះគ្មានមនុស្សបើក FPV ដើម្បីវាយប្រហារទីផ្សារក្នុងអំឡុងពេលម៉ោងដែលមានមនុស្សច្រើនបំផុត។
យោងតាមទិន្នន័យបឋម ជនស៊ីវិល៧នាក់បានស្លាប់ និងជាង២០នាក់ រងរបួសហើយអាជ្ញាធរ ក្នុងតំបន់បាននិយាយថា រលកទីពីរនៃយន្តហោះគ្មានមនុស្សបើក បានកំណត់គោលដៅ លើអ្នកនៅរស់រានមានជីវិត និងអ្នកឆ្លើយតបដំបូង ដោយធ្វើឱ្យអ្នកស្លាប់បាត់បង់ ជីវិតកាន់តែធ្ងន់ធ្ងរ ។
ក្រសួងក៏បានធ្វើការរិះគន់ក្រុមអ្នកគាំទ្រ របស់អ៊ុយក្រែនផងដែរ ដោយបញ្ជាក់ថា ការវាយប្រហារកាលពីថ្ងៃព្រហស្បតិ៍ គឺស្ថិតនៅ លើមនសិការ របស់អ្នកឧបត្ថម្ភលោកខាងលិច ដែលផ្គត់ផ្គង់អាវុធ និងហិរញ្ញវត្ថុដល់ទីក្រុងគៀវ ហើយ បានសង្កត់ធ្ងន់ថា រុស្ស៊ី នឹងមិនអនុញ្ញាត ឱ្យមានការស្ដារឡើងវិញ នូវអ៊ុយក្រែននៅក្នុងព្រំដែនឆ្នាំ ១៩៩១តាមការទាមទារ នោះជាដាច់ខាត៕
ប្រែសម្រួល៖ស៊ុនលី
