ទំហំពាណិជ្ជកម្ម របស់កាណាដា ជាមួយអាមេរិក ធ្លាក់ចុះក្នុងខែមីនា ចំពេលមានសង្គ្រាមពាណិជ្ជកម្ម

អូតាវ៉ា៖ យោងតាមស្ថិតិកាណាដា បានឲ្យដឹងថា ជាមួយនឹងការអនុវត្តពន្ធថ្មីនៅក្នុងខែមីនា ពាណិជ្ជកម្មរបស់ប្រទេសកាណាដា ជាមួយសហរដ្ឋអាមេរិក បានធ្លាក់ចុះនៅក្នុង ខែមីនា។ ទីភ្នាក់ងារស្ថិតិជាតិបានឲ្យដឹងថា ការនាំចេញទៅកាន់ សហរដ្ឋអាមេរិកបានថយចុះ ៦.៦ ភាគរយ ដែលជាការធ្លាក់ចុះ ប្រចាំខែជាប់ៗ គ្នាជាលើកទីពីរ បន្ទាប់ពីការកើនឡើងយ៉ាងខ្លាំង នៃការនាំចេញទៅកាន់សហរដ្ឋអាមេរិក ដែលនាំឱ្យមានកំណត់ត្រាមួយនៅក្នុងខែមករា។

ទន្ទឹមនឹងនេះដែរ ការនាំចូលពីសហរដ្ឋអាមេរិក បានធ្លាក់ចុះ ២.៩ ភាគរយនៅក្នុងខែមីនា។ ទីភ្នាក់ងារនេះបានឲ្យដឹងថា អតិរេកពាណិជ្ជកម្ម ទំនិញរបស់ប្រទេសកាណាដា ជាមួយសហរដ្ឋអាមេរិកបានកើនឡើងពី ១០.៨ ពាន់លានដុល្លារកាណាដា (៧.៨ ពាន់លានដុល្លារ) នៅក្នុងខែកុម្ភៈ ដល់ ៨.៤ ពាន់លានដុល្លារកាណាដា (៦.១ ពាន់លានដុល្លារ) នៅក្នុងខែមីនា។

ទីភ្នាក់ងារនេះបានឲ្យដឹងទៀតថា ការនាំចេញទំនិញសកលរបស់កាណាដាបានថយចុះ ០.២ ភាគរយ ខណៈដែលការនាំចូលបានធ្លាក់ចុះ ១.៥ ភាគរយនៅក្នុងខែមីនា។ ជាលទ្ធផល ឱនភាពពាណិជ្ជកម្មទំនិញរបស់ប្រទេសកាណាដាជាមួយពិភពលោកបានរួមតូចពី ១.៤ ពាន់លានដុល្លារកាណាដា (១.០២ ពាន់លានដុល្លារអាមេរិក) ក្នុងខែកុម្ភៈ ដល់ ៥០៦ លានដុល្លារកាណាដា (៣៦៧ លានដុល្លារអាមេរិក) នៅក្នុងខែមីនា៕
ប្រែសម្រួល ឈូក បូរ៉ា