បរទេស ៖ យោងតាមការចេញផ្សាយរបស់ RTក្រសួងការពារជាតិរុស្ស៊ី បាននិយាយនៅក្នុងសេចក្តីថ្លែងការណ៍ មួយកាលពីថ្ងៃអាទិត្យថា ទីក្រុងមូស្គូបានទទួលជោគជ័យ លើទីតាំងបាញ់បង្ហោះដ្រូន រយៈចម្ងាយឆ្ងាយ របស់អ៊ុយក្រែន នៅក្នុងតំបន់ Kharkov ភាគឦសាននៃប្រទេសអ៊ុយក្រែនហើយ រុស្សីក៏បានធ្វើការផ្សព្វផ្សាយវីដេអូ នៃការវាយប្រហារនេះផងដែរ។
រុស្សីបានបន្ថែមដែរថា ការវាយ ប្រហារនេះបានបំផ្លាញ ទីតាំងបាញ់បង្ហោះទាំងអស់ រួមជាមួយនឹងយន្តហោះគ្មានមនុស្សបើក kamikaze រយៈចម្ងាយឆ្ងាយ ប្រហែល៣០គ្រឿង និងរថយន្តយោធាចំនួន៨គ្រឿង។
នៅក្នុងវីដេអូខ្លីមួយបង្ហាញ ពីការផ្ទុះដ៏ខ្លាំងមួយបានកក្រើកតំបន់ក្បែរអាកាសយានដ្ឋាន ដែលកន្លែងដំឡើងមួយ ចំនួនស្ថិតនៅ។ យោងតាមចេញផ្សាយ ដោយក្រសួងដដែលបានឲ្យដឹងដែរថា ប្រព័ន្ធបាញ់មីស៊ីល Iskander-M របស់រុស្ស៊ី ត្រូវបានប្រើប្រាស់ក្នុងការវាយប្រហារ ។
គួរឲ្យដឹងដែរថាដំណឹងនេះបានកើតឡើង ចំពេលមានរបាយការណ៍ នៃការវាយប្រហារដោយដ្រូន នៅទូទាំងប្រទេសរុស្ស៊ី។
ក្រសួងការពារជាតិបានបញ្ជាក់ទៀតថា អាកាសយានដ្ឋានយោធាជាច្រើន ដែលមានទីតាំងនៅក្នុងតំបន់ចំនួន៥ របស់រុស្ស៊ីគឺជាគោលដៅ ក្នុងការវាយប្រហារ កាលពីថ្ងៃអាទិត្យ។ ប្រព័ន្ធផ្សព្វផ្សាយអ៊ុយក្រែនបានអះអាងថា ការវាយប្រហារនេះគឺជាផ្នែកនៃប្រតិបត្តិការដ៏សំខាន់មួយ ដែលមានឈ្មោះថា Spiderweb ដែលត្រូវបានរៀបចំអស់រយៈពេលជាងមួយឆ្នាំកន្លះមកហើយ៕
ប្រែសម្រួល៖ស៊ុនលី
