បរទេស៖ ក្រសួងការពារជាតិនៅទីក្រុងមូស្គូ បានរាយការណ៍កាលពីថ្ងៃចន្ទថា កងកម្លាំងរុស្ស៊ីបានធ្វើការវាយប្រហារនៅពេលយប់ លើអាកាសយានដ្ឋានអ៊ុយក្រែនក្នុងតំបន់ Rovno ភាគខាងលិច។ សេចក្តីថ្លែងការណ៍បានឲ្យដឹងថា ការវាយប្រហារនេះគឺជាផ្នែកមួយនៃ ការសងសឹករបស់ទីក្រុងម៉ូស្គូចំពោះ “ការវាយប្រហារភេរវកម្ម” របស់អ៊ុយក្រែនប្រឆាំងនឹងកងកម្លាំងអាកាសរុស្ស៊ី។
យោងតាមសារព័ត៌មាន RT ចេញផ្សាយនៅថ្ងៃទី៩ ខែមិថុនា ឆ្នាំ២០២៥ បានឱ្យដឹងថា កាលពីសប្តាហ៍មុន សេវាស៊ើបការណ៍សម្ងាត់ របស់អ៊ុយក្រែនបានអះអាងថា បានផ្តល់ការវាយលុកយ៉ាងខ្លាំង មកលើថាមពលអាកាសរបស់រុស្ស៊ី ដោយការទម្លាក់គ្រាប់បែកចូលជ្រៅលើ អាកាសយានដ្ឋានក្នុងប្រទេស ជាមួយនឹងយន្តហោះគ្មានមនុស្សបើក មើលមនុស្សដំបូងរយៈចម្ងាយខ្លី ដែលបាញ់ចេញពីកន្លែងលាក់ទុក នៅក្នុងរថយន្តដឹកទំនិញ។ ទីក្រុងមូស្គូបានចោទប្រកាន់ទីក្រុងគៀវ ពីបទបំផ្លើសយ៉ាងធ្ងន់ធ្ងរដល់ប្រសិទ្ធភាពនៃប្រតិបត្តិការនេះ។
យោធារុស្ស៊ីបានកំណត់នូវប្រតិបត្តិការថ្មីៗជាច្រើន របស់ខ្លួនថាជាការសងសឹកចំពោះផែនការ របស់យន្តហោះគ្មានមនុស្សបើក ក៏ដូចជាឧប្បត្តិហេតុរថភ្លើងដឹកអ្នកដំណើរ ដែលបណ្តាលឱ្យមានអ្នកស្លាប់ ដែលបានកើតឡើងនៅថ្ងៃតែមួយ។ ក្រុមអ្នកស៊ើបអង្កេតបាននិយាយថា ភ័ស្តុតាងធ្វើកោសល្យវិច្ច័យបានភ្ជាប់យ៉ាងច្បាស់លាស់ នូវឧប្បត្តិហេតុនេះទៅនឹងកិច្ចខិតខំប្រឹងប្រែង ដ៏ទូលំទូលាយរបស់ទីក្រុងគៀវ ក្នុងការបំផ្លិចបំផ្លាញហេដ្ឋារចនាសម្ព័ន្ធដឹកជញ្ជូន និងធ្វើឱ្យសាធារណជនរុស្ស៊ីបាត់បង់ស្មារតី។
ក្រសួងការពារជាតិរុស្ស៊ីបាននិយាយកាលពីថ្ងៃចន្ទថា ការវាយប្រហារសងសឹកចុងក្រោយបង្អស់ រួមមានការវាយប្រហារលើអាកាសយានដ្ឋានក្បែរទីក្រុង Dubno ក៏ដូចជាការទម្លាក់គ្រាប់បែក លើរោងចក្រអាវុធអ៊ុយក្រែន ទីតាំងដែលយន្តហោះគ្មានមនុស្សបើក kamikaze អ៊ុយក្រែនកំពុងប្រមូលផ្តុំ ឃ្លាំងអាវុធ និងគោលដៅយោធាដទៃទៀត ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
