ប៉េកាំង ៖ លោក Zheng Shanjie ប្រធានគណៈកម្មាធិការ កំណែទម្រង់ និងអភិវឌ្ឍន៍ជាតិរបស់ប្រទេសចិនបានឲ្យដឹងថា ប្រទេសចិននៅតែជាប្រទេស ផលិតដ៏ធំបំផុត របស់ពិភពលោក ក្នុងរយៈពេល ១៥ ឆ្នាំជាប់ៗគ្នា នេះបើយោងតាមការ ចុះផ្សាយរបស់ទីភ្នាក់ងារ សារព័ត៌មានចចិនស៊ិនហួ។
លោក Zheng បានធ្វើការកត់សម្គាល់ នៅក្នុង សន្និសីទសារព័ត៌មានមួយ ដែលលោកបានបង្ហាញ ពីសមិទ្ធិផលក្នុងការ អភិវឌ្ឍន៍សង្គម និង សេដ្ឋកិច្ចក្នុងអំឡុងពេលផែនការប្រាំឆ្នាំលើកទី ១៤ (២០២១-២០២៥) ហើយបានឆ្លើយតប ទៅនឹងសំណួររបស់ប្រព័ន្ធផ្សព្វផ្សាយ ដោយលោក បានលើកឡើងថា ចិន នៅតែជាប្រទេសអ្នកផលិត កំពូលរបស់ពិភពលោករយៈពេល ១៥ ឆ្នាំជាប់ៗគ្នា។
មន្ត្រីដដែលបានបញ្ជាក់ថា ចាប់តាំងពីឆ្នាំ ២០០១ មក ឧស្សាហកម្មផលិតកម្ម របស់ប្រទេសចិន បានឃើញតម្លៃបន្ថែម របស់ខ្លួនកើនឡើងជាង ៣០ ទ្រីលានយន់ (ប្រហែល ៤.២ ទ្រីលានដុល្លារអាមេរិក) ជារៀងរាល់ឆ្នាំ ជាមួយនឹងទិន្នផល នៃផលិតផល ឧស្សាហកម្មសំខាន់ៗជាង ២២០ នាំមុខគេលើពិភពលោក៕
