ឡុងដ៍៖ ប្រធានាធិបតីអាមេរិក លោក ដូណាល់ ត្រាំ បានជួបជាមួយនាយករដ្ឋមន្ត្រីអង់គ្លេស លោក Keir Starmer ក្នុងប្រទេសស្កុតឡេន ជាកន្លែងដែលមេដឹកនាំទាំងពីរ បានព្រមព្រៀងគ្នាថា ចាំបាច់ត្រូវចាត់វិធានការបន្ទាន់ ដើម្បីបញ្ចប់ការឈឺចាប់នៅតំបន់ហ្គាហ្សា នេះបើយោងតាមសេចក្តីថ្លែងការណ៍ របស់រដ្ឋាភិបាលអង់គ្លេស។
សេចក្តីថ្លែងការណ៍បានឲ្យដឹងថា “ពួកគេបានរំលឹកឡើងវិញនូវការអំពាវនាវ របស់ពួកគេឱ្យមានបទឈប់បាញ់ជាបន្ទាន់ ដើម្បីត្រួសត្រាយផ្លូវ សម្រាប់សន្តិភាពនៅក្នុងតំបន់” ។ មួយថ្ងៃបន្ទាប់ពីអ៊ីស្រាអែល បានបន្ធូរបន្ថយការរឹតត្បិតជំនួយ ដោយសារវិបត្តិមនុស្សធម៌កាន់ តែអាក្រក់ លោក ត្រាំ បានសម្តែងការមិនយល់ស្រប ចំពោះសេចក្តីថ្លែងការណ៍ របស់នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ ដែលថាគ្មានភាពអត់ឃ្លាន កើតឡើងនៅតំបន់ហ្គាហ្សា។
នៅពេលសួរថាតើគាត់យល់ស្របនឹងការលើកឡើងរបស់លោក ណេតាន់យ៉ាហ៊ូ អំពីភាពអត់ឃ្លាននៅតំបន់ហ្គាហ្សា មុនពេលកិច្ចប្រជុំជាមួយលោក Starmer ដែរឬអត់នោះ លោក ត្រាំ ត្រាំ បានលើកឡើងថា “ផ្អែកលើទូរទស្សន៍ ខ្ញុំនឹងនិយាយមិនពិសេសទេ ព្រោះកុមារទាំងនោះមើលទៅស្រេកឃ្លានខ្លាំងណាស់”។
នៅក្នុងសន្និសិទសារព័ត៌មានមួយ ក្រោយមក លោក ត្រាំ បានលើកឡើងថា “ក្មេងៗមួយចំនួននោះគឺជារឿង អត់ឃ្លានពិតប្រាកដ។ ខ្ញុំឃើញវា ហើយអ្នកមិនអាចក្លែង បន្លំវាបាននោះទេ” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក ត្រាំ ក៏បានកត់សម្គាល់ផងដែរថា អ៊ីស្រាអែលគួរតែធានាថា ជំនួយនឹងត្រូវបានផ្តល់។ លោកបានឲ្យដឹងថា “ខ្ញុំចង់ឱ្យពួកគេធ្វើឱ្យប្រាកដថា ពួកគេទទួលបានអាហារ គ្រប់គ្រាន់” លោកបន្ដថា អាហារជំនួយ “មិនត្រូវបានចែកចាយទេ ឬយ៉ាងហោចណាស់ទាំងអស់នៃជំនួយទាំងនោះ” ។ លោក Starmer បានឲ្យដឹងផងដែរថាស្ថានភាពនៅហ្គាហ្សាគឺ “មិនអាចអត់ឱនបានជាដាច់ខាត” ហើយការមើលឃើញរូបភាព នៃកុមារ ដែលអត់ឃ្លានគឺ “បះបោរ” ៕
