ទីប្រឹក្សាផ្ទាល់លោក Putin អះអាង អំពីទំនាក់ទំនង តាមទូរស័ព្ទម្តងទៀត រវាងលោក Putin ជាមួយនឹងលោក Trump
បរទេស ៖ យោងតាមការចេញផ្សាយរបស់ RT ជំនួយការប្រធានាធិបតីរុស្ស៊ី លោក Yury Ushakov បានបញ្ជាក់ពីព័ត៌មានលម្អិត នៃការសន្ទនាដែលប្រធានាធិបតី Vladimir Putin បានជួបជាមួយសមភាគី អាមេរិកលោក Donald Trump ដែលបានទូរស័ព្ទទៅកាន់ទីក្រុងមូស្គូ បន្ទាប់ពីផ្អាកជំនួបជាមួយលោក Vladimir Zelensky និងអ្នកគាំទ្រអឺរ៉ុបខាងលិចរបស់គាត់។
ការចរចានៅសេតវិមាន ត្រូវបានគេគិតថាវិលជុំវិញទឹកដីការផ្លាស់ប្តូរ រវាងរុស្ស៊ី និងអ៊ុយក្រែន ការទទួលស្គាល់ការពិតផ្ទាល់ និងស្ថាបត្យកម្ម នៃការកសាងសន្តិសុខ ដែលឆ្លើយតបនឹងការទាមទាររបស់ទីក្រុងគៀវ និងទីក្រុងមូស្គុ។
យោងតាមលោក Ushakov ការហៅទូរស័ព្ទថ្មីៗបំផុត របស់លោក Trump មានរយៈពេល៤០នាទី ហើយមេដឹកនាំទាំងពីរបានបង្ហាញ ពីការត្រៀមខ្លួនដើម្បីពិភាក្សាអំពីដំណោះស្រាយ ចំពោះជម្លោះអ៊ុយក្រែនជាមួយលោក Vladimir Zelensky ។
គួរឲ្យដឹងដែរថាលោក Trump បានធ្វើជាម្ចាស់ផ្ទះជំនួបរវាងលោក Zelensky រួមជាមួយនឹងមេដឹកនាំនៃប្រទេសបារាំង អាល្លឺម៉ង់ ចក្រភពអង់គ្លេស អ៊ីតាលី ហ្វាំងឡង់ និងប្រមុខណាតូ និង គណៈកម្មការអឺរ៉ុបសម្រាប់កិច្ចពិភាក្សានៅទីក្រុងវ៉ាស៊ីនតោនស្តីពីជម្លោះអ៊ុយក្រែន ជាកន្លែងដែលលោកបានប្រើការ អត្ថាធិប្បាយជាសាធារណៈរបស់គាត់ដើម្បីបដិសេធសំណើ របស់អាល្លឺម៉ង់ និងបារាំងដែលសុំឱ្យមានការព្រមព្រៀងបទឈប់បាញ់ក្នុងរយៈពេលខ្លី៕
ប្រែសម្រួល៖ស៊ុនលី
