រុស្ស៊ី នៅតែបន្តនាំចេញប្រេងឆៅ ទៅកាន់ប្រទេសឥណ្ឌាជាធម្មតា
បរទេស៖ យោងតាមការចេញផ្សាយរបស់ RT ឧបនាយករដ្ឋមន្ត្រីរុស្ស៊ី លោក Denis Manturov បាននិយាយនៅឯគណៈកម្មការអន្តររដ្ឋាភិបាលទ្វេភាគីកាលពីថ្ងៃពុធថា ប្រទេសរុស្ស៊ី ប្រកបដោយទំនុកចិត្ត ជាប់ចំណាត់ថ្នាក់ក្នុងចំណោមដៃគូ ពាណិជ្ជកម្មកំពូលទាំងបួនរបស់ឥណ្ឌា ហើយបន្តផ្គត់ផ្គង់វាជាមួយនឹង ធនធានថាមពលដ៏សំខាន់។
លោក Manturov បាននិយាយប្រឆាំងនឹងផ្ទៃខាងក្រោយ នៃភាពតានតឹងដែលកំពុងកើតឡើងរវាងប្រទេសឥណ្ឌា និងដៃគូលោកខាងលិចរបស់ខ្លួន ដែលបាននិងកំពុងដាក់សម្ពាធប្រទេសឥណ្ឌាឱ្យបោះបង់ពាណិជ្ជកម្មថាមពលជាមួយរុស្ស៊ី។
លោក Manturov បានមានប្រសាសន៍ថា ៖ខ្ញុំចង់គូសបញ្ជាក់ជាពិសេសពី កិច្ចសហប្រតិបត្តិការរបស់យើងក្នុងវិស័យថាមពល។ យើងបន្តការនាំចេញប្រេងឥន្ធនៈ រួមទាំងប្រេងឆៅ និងផលិតផលប្រេង ព្រមទាំងថាមពល និងធ្យូងថ្ម ។ យើងមើលឃើញសក្តានុពលសម្រាប់ការនាំចេញ LNG របស់រុស្ស៊ីផងដែរនាពេលខាងមុខ។
កាលពីដើមខែនេះ ប្រធានាធិបតីអាមេរិកបានដាក់ពន្ធបន្ថែម ២៥ភាគរយជាទណ្ឌកម្ម លើប្រទេសឥណ្ឌា ដែលគ្រោងនឹងចូលជាធរមាននៅថ្ងៃទី២៧ ខែសីហា ជុំវិញការទិញប្រេងពីរុស្ស៊ីជាបន្តបន្ទាប់។
យ៉ាងណាក្តីជាការឆ្លើយតបប្រទេសឥណ្ឌា បានថ្កោលទោសយ៉ាងខ្លាំងចំពោះពន្ធគយនេះថា ជារឿងអយុត្តិធម៌ មិនសមហេតុផល និងមិនអាចទទួលយកបាន ហើយបានប្តេជ្ញាការពារផលប្រយោជន៍ជាតិរបស់ខ្លួនទៀតផង៕
ប្រែសម្រួល៖ ស៊ុន លី
Recommended for you
