លោក ណេតាន់យ៉ាហ៊ូ ប្រកាសដំណាក់កាលសម្រេចចិត្ត នៅក្នុងសង្រ្គាមហ្គាហ្សា ខណៈការចូលរួមពីក្រុមបម្រុង នៅមានកម្រិតទាប
យេរ៉ូសាឡឹមៈ នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ បានឲ្យដឹងថា អ៊ីស្រាអែល កំពុងឈានចូលដល់ “ដំណាក់កាលសម្រេចចិត្ត” នៃសង្រ្គាមនៅតំបន់ហ្គាហ្សា ដោយស្វែងរកការប្រមូលផ្តុំការគាំទ្រ ក្នុងចំណោមក្រុមបម្រុង និងប្រឆាំងនឹងរបាយការណ៍នៃចំនួនអ្នកចូលរួមទាប សម្រាប់ការអំពាវនាវចុងក្រោយ។
នៅក្នុងសេចក្តីថ្លែងការណ៍ ជាវីដេអូ លោក ណេតាន់យ៉ាហ៊ូ បានថ្លែងទៅកាន់ទាហានដោយផ្ទាល់ថា “ខ្ញុំចង់ពង្រឹងអ្នក និងបង្ហាញពីការដឹងគុណ យ៉ាងជ្រាលជ្រៅរបស់ខ្ញុំ” លោកបានលើកឡើងថា យុទ្ធនាការយោធាបានជំរុញ អ៊ីស្រាអែល “ឆ្ពោះទៅរកជ័យជម្នះដ៏ធំធេង” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
អ៊ីស្រាអែលបានកោះហៅអ្នកបម្រុងប្រហែល ៤ម៉ឹន នាក់ ដែលជាការហៅតែមួយដ៏ធំបំផុតចាប់តាំងពីសង្រ្គាមបានចាប់ផ្តើមជិត ២ ឆ្នាំមុន ដែលជាផ្នែកមួយនៃផែនការរបស់ខ្លួនក្នុងការដណ្តើមយកទីក្រុងហ្គាហ្សា ដែលជាវិធានការដែលត្រូវបានអនុម័តដោយគណៈរដ្ឋមន្ត្រីរបស់លោក ណេតាន់យ៉ាហ៊ូ ទោះបីជាមានការព្រមានពីអន្តរជាតិក៏ដោយ។
ប៉ុន្តែចំនួនអ្នកចូលរួមត្រូវបានគេរាយការណ៍ថា មានកម្រិតទាបជាងការរំពឹងទុកនេះ បើយោងតាមទូរទស្សន៍រដ្ឋ Kan TV ដែលបានលើកឡើងពីភាពតានតឹង និងបន្ទុកនៃការផ្តល់សេវាដដែលៗ។ ការសម្រេចចិត្តរបស់គណៈរដ្ឋមន្ត្រីក៏បានបង្ក ឱ្យមានការមិនពេញចិត្តនៅក្នុងផ្ទះផងដែរ។ អ្នកបម្រុងជាង ៣៥០ នាក់បានប្រកាសនៅក្នុងលិខិតមួយកាលពីថ្ងៃអង្គារថា ពួកគេនឹងបដិសេធមិនបម្រើប្រសិនបើត្រូវបានបញ្ជាឱ្យចូលទៅក្នុងតំបន់ហ្គាហ្សា។
នៅក្នុងសន្និសីទ សារព័ត៌មាននៅទីក្រុង Tel Aviv ពួកគេបានថ្កោលទោសការសម្រេចចិត្តរបស់រដ្ឋាភិបាលថាជាការមិនប្រុងប្រយ័ត្ន និងបានប្តេជ្ញាថា នឹងមិនចូលរួម ។ លោក Ron Feiner ដែលជាអ្នកបម្រុង និងជាសមាជិកនៃក្រុមប្រឆាំងសង្រ្គាម Standing Together បានហៅប្រតិបត្តិការ ដែលបានគ្រោងទុកថា “ខុសច្បាប់” ហើយបានព្រមានថា វានឹងបង្កគ្រោះថ្នាក់ដល់ចំណាប់ខ្មាំង ទាហាន និងជនស៊ីវិលដូចគ្នា ។ លោកបានលើកឡើងថា “នេះគឺជាជំហាននយោបាយ ឃោរឃៅ និងគ្រោះថ្នាក់ ដែលមានបំណងបម្រើជនជាតិភាគតិចជ្រុលនិយម ជាជាងសន្តិសុខ របស់ពលរដ្ឋអ៊ីស្រាអែល”៕
ប្រែសម្រួល ឈូក បូរ៉ា
