លោក ដូណាល់ ត្រាំ ផ្តល់ទាហានអាមេរិកបន្ថែមទៀតដល់ប៉ូឡូញ
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានឲ្យដឹងថា កងកម្លាំងសហរដ្ឋអាមេរិក នឹងបន្តឈរជើងនៅក្នុងប្រទេសប៉ូឡូញ ហើយចំនួនអាចកើនឡើងថែមទៀត ដោយបានច្រានចោលការរំពឹងទុកអំពីការដកទ័ពចេញ។
លោក ត្រាំ បានសន្យាថានឹង “ជួយប៉ូឡូញការពារខ្លួន” នៅក្នុងកិច្ចប្រជុំសេតវិមានជាមួយប្រធានាធិបតីថ្មីរបស់ប្រទេសប៉ូឡូញគឺ Karol Nawrocki ។
លោក ត្រាំ បានប្រាប់អ្នកយកព័ត៌មាននៅពេលសួរថា “យើងនឹងដាក់បន្ថែមទៀតនៅទីនោះប្រសិនបើពួកគេចង់” លោក បានប្រាប់អ្នកយកព័ត៌មាននៅពេលសួរថាតើលោកមានគម្រោងរក្សាកងទ័ពសហរដ្ឋអាមេរិកនៅក្នុងប្រទេសជួរមុខនៅលើផ្នែកខាងកើតរបស់អង្គការណាតូ។
លោក Nawrocki បានថ្លែងអំណរគុណចំពោះលោក ត្រាំ សម្រាប់ការប្តេជ្ញាចិត្តរបស់លោកក្នុងការបន្តកិច្ចសហប្រតិបត្តិការជាមួយប្រទេសរបស់លោក។ លោកបានលើកឡើងថា “ទំនាក់ទំនងទាំងនោះសម្រាប់ខ្ញុំ សម្រាប់ប៉ូឡូញ សម្រាប់ប៉ូឡូញ គឺមានសារៈសំខាន់ណាស់”៕
ប្រែសម្រួល ឈូក បូរ៉ា
