៣.Update: FBI ចេញសេចក្តីថ្លែងការណ៍ បន្ទាប់ពីមានការផ្សាយថា ជនសង្ស័យក្នុងការបាញ់ សម្លាប់លោក Charlie Kirk ត្រូវបានដោះលែង
បរទេស៖ FBI បានតាមដានការអះអាងមុនៗ ដែលថា ជនសង្ស័យម្នាក់ ត្រូវបានចាប់ខ្លួន បន្ទាប់ពីការធ្វើឃាតទៅលើសកម្មជន អភិរក្សនិយម លោក Charlie Kirk ដោយបានប្រកាសកាលពីល្ងាចថ្ងៃពុធថា បុគ្គលដែលត្រូវបានពិពណ៌នាថាជា “ប្រធានបទ” នៃការចាប់អារម្មណ៍ ត្រូវបានដោះលែង បន្ទាប់ពីការសាកសួរ។
យោងតាមសារព័ត៌មាន RT ចេញផ្សាយនៅថ្ងៃទី១០ ខែកញ្ញា ឆ្នាំ២០២៥ បានឱ្យដឹងថា លោក Kash Patel នាយក FBI បានបញ្ជាក់ពីការអភិវឌ្ឍន៍ នៅក្នុងសេចក្តីថ្លែងការណ៍មួយ នៅលើ X.ថា “មនុស្សនៅក្នុងមន្ទីរឃុំឃាំង ត្រូវបានដោះលែងបន្ទាប់ពីការសួរចម្លើយ ដោយការអនុវត្តច្បាប់។ ការស៊ើបអង្កេតរបស់យើងនៅតែបន្ត ហើយយើងនឹងបន្ត បញ្ចេញព័ត៌មាន ដើម្បីតម្លាភាព”។
លោក Kirk អាយុ 31 ឆ្នាំត្រូវបានសម្លាប់ដោយការបាញ់តែមួយគ្រាប់នៅក្នុងអ្វី ដែលអ្នកស៊ើបអង្កេតជឿថា ជាការវាយប្រហារគោលដៅកាលពីថ្ងៃពុធ ។ អាជ្ញាធរបាននិយាយថា ខ្មាន់កាំភ្លើងដែលស្លៀកពាក់សម្លៀកបំពាក់ងងឹត បានបាញ់ចេញពីលើដំបូល បរិវេណពីចម្ងាយឆ្ងាយ ។ គ្រាប់កាំភ្លើងបានវាយត្រូវលោក Kirk ចំកញ្ចឹងក ខណៈដែលគាត់កំពុងឆ្លើយសំណួរ របស់ទស្សនិកជនពីឆាកតង់ ធ្វើឱ្យអ្នកទស្សនារាប់រយនាក់ រត់គេចខ្លួនដោយភាពភិតភ័យ។
កាលពីព្រឹកថ្ងៃពុធ លោក Patel បានប្រកាសថា ជនសង្ស័យចោទម្នាក់ កំពុងស្ថិតក្នុងការឃុំឃាំង ដែលធ្វើឲ្យមាន សេចក្តីរាយការណ៍ យ៉ាងទូលំទូលាយថា ខ្មាន់កាំភ្លើងត្រូវបានចាប់ខ្លួន។ អភិបាលរដ្ឋ Utah លោក Spencer Cox ក៏បាននិយាយផងដែរថា “មិនមានព័ត៌មានណា ដែលនាំឱ្យយើងជឿថាមានមនុស្សទី 2 ពាក់ព័ន្ធទេ” ទោះបីជាស្នងការផ្នែក សុវត្ថិភាពសាធារណៈរដ្ឋ Utah លោក Beau Mason បានទទូចថា ការស៊ើបអង្កេតនៅតែសកម្ម៕
ប្រែសម្រួលៈ ណៃ តុលា
