អតីតប្រធានាធិបតី ប្រេស៊ីលលោក Jair Bolsonaro ត្រូវបានតុលាការកំពូល កាត់ទោសឲ្យជាប់ពន្ធនាគារ ២៧ឆ្នាំ៣ខែ
បរទេស ៖ តុលាការកំពូលប្រេស៊ីលបានកាត់ទោសអតីតប្រធានាធិបតីលោក Jair Bolsonaro ពីបទប៉ុនប៉ងផ្តួលរំលំការបោះឆ្នោតឆ្នាំ ២០២២ របស់ប្រទេសនេះ សម្រាប់ការដឹកនាំអំពីអ្វី ដែលរដ្ឋអាជ្ញាហៅថា ជាការសមគំនិតឧក្រិដ្ឋកម្ម។
យោងតាមសារព័ត៌មាន RT ចេញផ្សាយ នៅថ្ងៃទី១១ ខែកញ្ញា ឆ្នាំ២០២៥ បានឱ្យដឹងថា ចៅក្រមបួននាក់ក្នុងចំណោមប្រាំនាក់ នៅលើក្រុមប្រឹក្សាតុលាការ កំពូល បានរកឃើញថា លោក Bolsonaro មានពិរុទ្ធលើការចោទប្រកាន់ទាំងប្រាំ ដែលគាត់បានប្រឈមមុខ ដោយកាត់ទោសគាត់ឱ្យជាប់គុក ២៧ ឆ្នាំ ៣ ខែ។
ការចោទប្រកាន់រួមមានការរៀបចំផែនការ ធ្វើរដ្ឋប្រហារ ការចូលរួមក្នុងអង្គការឧក្រិដ្ឋកម្មប្រដាប់អាវុធ ការប៉ុនប៉ងលុបចោលសណ្តាប់ធ្នាប់ ប្រជាធិបតេយ្យរបស់ប្រទេសប្រេស៊ីល ដោយកម្លាំងបាយ ការបំផ្លាញទ្រព្យសម្បត្តិសាធារណៈដែលត្រូវបានការពារ និងប្រព្រឹត្តអំពើហឹង្សាប្រឆាំង នឹងស្ថាប័នរដ្ឋ ។
ចៅក្រមតុលាការកំពូល Alexandre de Moraes បាននិយាយនៅពេលគាត់បានប្រកាសសាលក្រមកាលពីថ្ងៃព្រហស្បតិ៍ថា លោក Bolsonaro បានស្វែងរកការ “បំផ្លាញសសរស្តម្ភសំខាន់ៗនៃរដ្ឋនីតិរដ្ឋប្រជាធិបតេយ្យ” និងស្ដារឡើងវិញនូវ “របបផ្តាច់ការនៅក្នុងប្រទេសប្រេស៊ីល” ៕
